ЖИ компаниялары барлығын автоматтандыруға асығып жатыр, код жазудан бастап, сурет жасауға, жарнамаларды жоспарлауға, кездесулерді жинақтауға және тағы басқа істерге дейін. Алайда осындай жүйелер жақсарған сайын, олардың адам еңбегіне әсерін елемеу қиындай түседі. Енді сарапшылар генеративті ЖИ-дің еңбек нарығына аса ауқымды жұмыс орындарын ығыстыру толқынын тудыруы ықтимал екенін және оның көп елдердің экономикасы дайын болғаннан да жылдам әрі терең орын алатынын ескертуде.
Кейбіреулер болашаққа қарсы шығудың орнына, бір крипто нативті платформа басқа ұстанымды таңдауда. Егер автоматтандыру сөзсіз болса, онда меншіктілік те солай болуы керек.
Action Model бүгін пайдаланушыларға нақты браузер әрекеттерін – яғни, шерту, беттер арасында өту, мәтін теру мен тапсырмалар орындалуын бөлісу арқылы ЖИ жүйесін оқытуға мүмкіндік беретін тек шақыру арқылы қолжетімді Chrome кеңейтімін іске қосты. Платформа мұны Үлкен әрекет моделі (LAM) деп атайды және ол тек контент жасамай, цифрлық жұмысты да орындауды үйрене алатын жүйе. Өз кезегінде үлес қосушылар жинаған ұпайларын $LAM басқару токендеріне айырбастай алады, бұл жүйенің дамуына қатысу құқықтарын білдіреді.
«Егер ЖИ цифрлық еңбекті алмастыратын болса, онда сол орнын басатын машиналарға жұмысшылар иелік етуі тиіс», — дейді Action Model негізін қалаған Сина Ямани.
Жұмысты атқаратын ЖИ-ді оқыту
Контент жасайтын чатбот модельдерінен айырмашылығы, LAM тікелей бағдарламалық жасақтаманы басқарып жұмыс істеуге арналған. Идея қарапайым: егер адам компьютерлік тапсырманы тышқан және пернетақтамен орындай алса, үйретілген ЖИ агент те соны орындай алады.
«Соңғы бірнеше жыл чатботтар кезеңі болды. Енді автоматтандыру уақыты келді», — дейді Ямани. «Әлемде компьютер қолданатын жұмыста жүргендер шамамен бір млрд адам. Компанияға бір тапсырманы үздіксіз әрі әлдеқайда арзан орындап отыратын құрал ұсынылса, олар соны қолданары сөзсіз».
Action Model кеңейтімі пайдаланушылардың мақұлдауы арқылы мінез-құлық деректерін жинап, ЖИ-ді оқытады. Жалақыны тіркеу, CRM жазбаларын басқару немесе басқа да жұмыс процестерін бір рет жазып алып, модельге қайталатуға болады. Үлес қосушылар автоматтандыру сызбаларын көпшілік маркеттің назарына ұсынуы ықтимал, бұл жерде пайдалануды бақылап және платформа ынталандыру үлгісі аясында сыйақы алуға болады.
Agentic ЖИ жүйелерінің дамуы сала бойынша кеңінен құжатталды, өйткені модельдер контент генерациялаудан өз бетінше тапсырма орындауға қарай жылжуда. Мына түсіндірмеде айтылғандай, бұл жүйелер нақты пайдаланушы деректерін жинап, цифрлық ортада автономды түрде әрекет етуге үйренеді.
Платформа күту парағы, жолдама жүйесі және серіктес қауымдастықтар арқылы 40 000-нан астам пайдаланушыны өзіне тартып үлгерді. Ерекше сапа мен алғашқы қатысушыларды ынталандыру үшін платформаға кіру әлі де тек шақыру арқылы жүзеге асырылады.
Бұл қазіргі автоматтандыру құралдарынан несімен өзгеше?
Қазіргі автоматтандыру құралдарының басым бөлігі API немесе қатаң интеграцияларға сүйенеді. Алайда нақты цифрлық жұмыстың көп бөлігі ескі жүйелерде, ішкі бақылау тақталары мен автоматтандыруға арналмаған құралдарда орындалады.
«Zapier бағдарламаны автоматтандырады. Ал біз жұмысты автоматтандырамыз», — дейді Ямани. «Интернеттің бар болғаны 2%-ы API арқылы қолжетімді. Қалған 98%-ы әлі де адам әрекетін талап етеді».
Action Model-де пайдаланушыларға код жазу немесе интеграцияларды басқару міндетті емес. Жай ғана тапсырманы қалай орындайтыны жазып алынады. ЖИ осы нақты пайдаланушы процестерінен үйреніп, оларды тәуелсіз қайталай алатын дәрежеге жетеді.
Бұл Action Model-дің дәстүрлі жүйелер жетпейтін шеткері кейстер мен құжатталмаған жұмысты тіркеуге жеткілікті түрде икемділігін көрсетеді.
Жекелік туралы не айтуға болады?
Барлық оқу процесі опция арқылы қосылады, пайдаланушы қай ақпаратты бөлісетінін өзі таңдайды. Электрондық пошта, денсаулық сақтау немесе банк сияқты сезімтал сайттар әдепкіде бұғатталған. Пайдаланушы жаттығуды кез-келген уақытта тоқтатуға, жекелеген домендерді бұғаттауға немесе үлесін толық жоюға құқылы.
«Негізгі қағида қарапайым. Деректеріңіз керек емес. Бізге тек үлгі керек», — дейді Ямани. «Оқыту деректері жергілікті өңделеді және модельге қосылмас бұрын анонимдендіріледі».
Өшірілген деректер толықтай жойылады және компания үшін де қайта қалпына келтірілмейді. Барлық үлес басқа пайдаланушылардың деректерімен біріктіріледі, жеке біреуді анықтауға жол бермеу үшін k-анонимдік қолданылады. Арнайы бақылау панелі арқылы үлес қосушылар кез-келген уақытта оқыту тарихы мен марапаттарын қадағалай алады.
«Ірі техкомпаниялар мұндай деректерді нақты келісімсіз жинаса, біз ашық, пайдаланушы басқаратын әрі ЖИ-ді шынымен үйреткендерді марапаттаймыз», — дейді Ямани.
Сонда боттар жүйені айналып өте ала ма?
Бұрын крипто сыйақы жүйелерінде бой көрсеткен мәселелерді болдырмау үшін, Action Model нақты пайдаланушы кірісін тексеруде мінез-құлықтық талдау қолданады. Жүйе құрылымдылықты, уақыт аралығын, айырмашылықтар мен шешім қабылдауды анықтайтын белгілерді іздейді — мұндай нәрселерді боттар немесе кликтер фермасы оңай қолдан жасай алмайды.
«Жәй ғана шертулер түкке тұрғысыз», — дейді Ямани. «Шынайы жұмыс процестерінде мақсат, үзілістер, түзетулер мен қайта істеу, шешім қабылдаулар болады. Оны үлкен ауқымда қолдан жасаудың мүмкіндігі жоқ».
Әлеуметтік белсенділік немесе посттар үшін сыйақы берген өзге жобалар негізгі платформаларда жақында тыйымға ұшырады, себебі олар ЖИ-мен жасалған спам, жауап боттар мен жалған әрекеттердің орасан үлкен легін тудырды. Нәтижесінде API-ға қолжетімділік тоқтатылып, токен экожүйелері төмен сапалы белсенділіктің салмағына шыдамай күйреді.
ActionFi, платформаның сыйақы жүйесі, мұндай қақпанға түспес үшін арнайы жасалды. Ол твиттер немесе шерту үшін төлемейді. Бірақ нақты құрылымды цифрлық еңбекті көрсететін расталған процестерді ғана марапаттайды.
«Бос шуға ақы төлемейміз. Тек пайдалы жолдарға төлейміз», — дейді Ямани.
Жүйенің шынайы иесі кім?
Қазіргі таңда Action Model кеңейтім, оқыту логикасы мен марапаттау жүйесін басқарады. Дегенмен жоба уақыт өте $LAM токен иелеріне меншік құқығын беру туралы міндеттеме алған. DAO құрылымы алдағы уақытта үлес қосушыларға платформа шешімдерін, ынталандыру механизмдерін және модельді орналастыруды басқаруға мүмкіндік береді.
«Бастапқы жүйелерге үйлестіру қажет. Маңыздысы — олардың орталықтандырылғаны ма, жоқ па», — дейді Ямани.
Аталғандай іске асырылса, меншік құқығы токен иелеріне өздері өңдеген дерекке қатысты инфрақұрылым бойынша шешімдерге әсер ету мүмкіндігін береді.
ЖИ-дің дамуы сөзсіз болса, меншік те болуы ықтимал ма?
ЖИ-дің келесі буыны тек тілге ғана емес, еңбекке негізделіп салынуда. Офис жұмысынан бастап операцияларға дейін, экран артында орындалатын көп тапсырманы енді зияткер агенттер атқара алатын жағдайға жетті.
«Экранға негізделген жұмыстардың миллиондағаны автоматтандырылатынын естіген шығарсыз. Бұл ондаған жылдардан кейін емес — қазір-ақ жүріп жатыр», — дейді Ямани. «Деректеріңіз ЖИ-ді оқытуға ықпал етсе, жасалған дүниеге де ие болуға хақыңыз».
Action Model масштабты ұлғайта ала ма, ашық болып қала ала ма және тұрақты экономика құра ала ма деген сұрақтар алдағы айларда жіті назарымызда болады. Бірақ оның ұстанымы өте айқын. ЖИ үшін негізгі күрес оның не істей алатығында ғана емес, оның кім үшін жұмыс істейтініне байланысты.
ЖИ жұмыс әлемін өзгертетін шақта, болашақ платформалардың меншігінде ме, әлде адамдардың меншігінде бола ма?
