Binance-тің SAFU (пайдаланушылар үшін қауіпсіз активтер қоры) жаңа Bitcoin сатып алуын растаған соң, назар аударуды жалғастырып отыр.
Соңғы конвертациядан кейін қордың жалпы активтері 10 455 BTC-ге жетіп, шамамен 734 млн долларға бағалануда.
Binance SAFU қоры крипто нарығы индикаторы рөлін қалай атқарады
Соңғы жинақтау аясында 1 млрд долларлық резервтің барлығын 30 күн ішінде Bitcoin-ге ауыстыру жоспары жүзеге асырылып жатыр. Бұл кең ауқымды крипто нарығы циклдарына қатысты болжамды астар бере ала ма?
«Binance SAFU қоры 4 225 $BTC (299,6 млн доллар) қайтадан сатып алды, нәтижесінде жалпы сатып алу көлемі 10 455 $BTC (734 млн доллар) болды», – деп хабарлады Lookonchain.
Kейінірек Binance транзакцияны растады, яғни SAFU қорына 4 225 BTC түскенін және оның жалпы құны 300 млн долларлық стейблкоинге тең болғанын мәлімдеді.
SAFU қоры 2018 жылы құрылған және хакерлік шабуыл не операциялық ақау кезінде пайдаланушылар активтерін қорғау мақсатында төтенше сақтандыру резерві ретінде жұмыс істейді.
Тарихи тұрғыдан бұл резерв сауда комиссисының шамамен 10%-ы есебінен қаржыландырылып, өтімділікті қамтамасыз ету және құбылмалылықты азайту үшін көбіне стейблкоиндерде сақталған.
Алайда мұндай ұстаным 2026 жылдың қаңтар айының соңында өзгертіліп, Binance резервтің барлығын кезең-кезеңімен сатып алу арқылы Bitcoin-ге айналдыратынын хабарлады (нарықтағы тұрақсыздықты болдырмау үшін).
Алғашқы транштар ішінде шамамен 1 315 BTC және 3 600 BTC сатып алуы, кейін 4 225 BTC-ге дейінгі соңғы толықтыру болды.
Бұл өзгеріс нарықта өсіп келе жатқан белгісіздік кезінде тұрақты сатып алу ықпалы туғызып, ұзақ мерзімді перспективадағы Bitcoin-ге сенімділіктің айқын көрінісі ретінде кеңінен қабылданды.
Тарихи үлгілер «нарық индикаторы» теориясын күшейтіп отыр
Тікелей өтімділікке әсерімен қатар, кейбір сарапшылар SAFU қорындағы активтер үлесі өзгерген кезде тарихи тұрғыда олар крипто нарықта маңызды бетбұрыстармен тұспа-тұс келгенін алға тартады.
2023 жылғы наурыз айында Binance SAFU қорының 1 млрд доллар резервін Bitcoin, Ethereum және BNB-ге конвертациялаған болатын.
Келесі жыл ішінде Bitcoin шамамен 250%-ға өсіп, Ethereum 160%-ға жоғарылады. Ал криптовалюталардың жалпы нарықтық капитализациясы шамамен 1,8 трлн долларға кеңейді.
«2023 жылдың наурыз айы – Binance 1 млрд долларлық SAFU қорын BTC, ETH және BNB-ге конвертациялауын жариялады. – BTC бір жыл ішінде 250%-ға, ETH 200%-ға өсті әрі крипто нарықтық капитализациясы 1,8 трлн долларды қосты. 2026 жылдың қаңтар айы – Binance SAFU қорынан тағы 1 млрд долларды Bitcoin-ге айналдыру жоспарын жариялады. Алдағы ауқымды оқиғаны бәріміз білеміз», – деп пікір білдірді крипто-комментатор Ash Crypto.
Arkham деректері SAFU қорының жалпы құны 2024 жылдың наурыз айында 1,2 млрд доллардан асқанда — көбіне активтер бағасының өсімі есебінен — Bitcoin бір мезгілде циклдік жоғары нүктеге жақындай бастағанын көрсетті.
Осыған байланысты кей трейдерлер SAFU қорының құны және активтер үлесін қайта бөлу нарықтың кең ауқымды шегіне сәйкес келетінін, яғни шыңға жақындағанда өсіп, құлдырау кезеңінде жинақтау фазасына ауысатынын болжауда.
Сенім белгісі немесе сәйкестік пе?
Аталған теорияға қызығушылық артқанымен, өзара байланыс үнемі алдын ала болжау қабілеті бар дегенді білдірмейді. Binance шешімдері прагматикалық казынашылық стратегиясын көрсетуі ықтимал — яғни резервті сирек жағдайда ғана қолдану үшін оның ұзақмерзімді құнын арттыру мақсатында Bitcoin салыстырмалы түрде төмен бағамен сатып алынады.
Дегенмен SAFU-дың он-чейн транзакцияларының ашықтығы саладағы ең ірі биржалардың бірі құбылмалы жағдайда тәуекел мен капиталды қалай басқаратынын түсінуге мүмкіндік береді.
Binance 2026 жылдың ақпанының соңына немесе наурыз айының басына дейін жоспарланған сатып алуларын жалғастыра алуы ықтимал. Дегенмен SAFU-дың жинақталуы нарық циклдарының бетбұрыс нүктелерін алдын ала көрсететін сенімді индикатор ма, әлде жай ғана осы өзгерістердің көрінісі ме — бұл сұраққа нақты жауап алдағы айларда анық болмақ.
