Web3 саласындағы әйелдер әдетте өкілдік саны тұрғысынан жиі талқыланады. Bitget бас директоры Грейси Чен және WIW3CH швейцариялық желісінің Романдие мен жаһандық серіктестіктері бойынша тең жетекшісі Элодие Жалле бұл әңгімеге иелік етуге, яғни меншік құқығына назар аудару қажеттігін айтады.
Олар иелік ету туралы айтқанда қаржыландыруды, техникалық білімді, негізін қалаушылар желісін әрі көшбасшылық рөлдерді меңзейді. Екеуі қазір Bitget-тің Blockchain4Her бағдарламасы WIW3CH-пен білім беру және іс-шаралар бойынша әріптестік орнатып, бірге жұмыс істеуде.
BeInCrypto-ға берген сұхбатында Чен мен Жалле әріптестік туралы өз ұстанымын түсіндірді. Сонымен қатар, олар мұндай бастамалар шын мәнінде әйелдердің үлесін арттыра ала ма деген сұрақтарға да жауап берді.
Bitget айтуынша, салалық қаржыландырудың тек 6%-ын әйел негізін қалаушылар алады екен. Blockchain4Her бұл жағдайды өзгерту үшін не істеп жатыр және нәтижелі екенін қалай білесіздер?
Чен: 6% деген бұл көрсеткіш – бағдарламаны бастауымыздың басты себебі. Өзім де кәсіпкер ретінде жыныстық кемсітушілікпен бетпе-бет келгенмін, сондықтан бағдарлама сырттан қосылған қарапайым науқан емес. Біз әйелдер жетекшілік ететін жобаларға 10 млн доллар бөлдік әрі ішкі кадрлық іріктеу мен серіктестік стандарттарына әртүрлілік бойынша міндетті мақсаттар енгіздік.
Нәтиже бойынша, біз қолдау көрсететін әйелдердің ұзақ мерзімді табысына мән береміз. Мысалы, біздің “Pitch n’ Slay” байқауы мен Blockchain4Her сыйлығы сынды бастамаларға қатысушылардың жобалары қалай дамып, ауқымын кеңейтіп, уақыт өте келе қосымша қаржыға қол жеткізетінін бақылап отырамыз.
Ұзақ мерзімді өзгеріске басымдық беруіміз ірі әріптестік жобаларымызда да көрініс табады. Мысалы, біз UNICEF-пен бірге 300 000 жасқа цифрлық әрі блокчейн білімін ұсынамыз. Қыздарды осы оқу бағдарламалары арқылы қолдап, біз әсерімізді бүгінгі кәсіпкерлерге ғана емес, келесі ұрпаққа жаңа мүмкіндік есігін ашатын теңгерімді жол қалыптастырып отырмыз.
Сіздің ойыңызша ең үлкен кедергі қайсы – капитал ма, әлде бұдан гөрі ертерек туындайтын мәселе бар ма?
Чен: Капитал – сырт көзге бірден көрінетін кедергі. Кей инвесторлар әлі де негізсіз стереотиптерге сеніп, әйелдер жетекшілік ететін стартаптарға инвестиция салудан тартынады.
Алайда бұдан басқа екі елеусіз кедергі бар. Бірі – салада мәлім тұлғалардың, үлгі боларлық менторлардың жетіспеуі. Олар кеңістікті игеруге, салалық “қулықтарды” үйренуге, ашық әңгімелесу үшін қолдау көрсетуге көмектеседі.
Ал екіншісі – техникалық күрделілік пен ер адамдар басым демографиясының тудырған сенімсіздігі. Өз-өзіңді бұл ортада көре алмасаң, онда мұнда өз орның бар ма деп күмәндану оңай болмақ.
Аяғында, осы факторлардың жиынтығы кіруге айтарлықтай кедергі жасап, құрылымдық әрі мәдени тұрғыда түбегейлі өзгерістерді талап етеді.
Сіздің көшбасшылығыңыз Bitget-тің әйелдерге бағытталған Web3 қауымдастықтарымен жұмыс істеуіне қалай әсер етті?
Чен: Bitget компаниясындағы көшбасшылығым әйел, жас ерекшелігі, әлеуметтік жағдайына қарамастан, білім мен мүмкіндікке барлығында да тең қолжетімділік болу керек деген сеніміме негізделген. Дәл осы жеке белсенділігім әйелдерге бағытталған қауымдастықтардағы жұмысымыз компанялық мақсатқа тікелей айналуына түрткі болды.
Ішкі жағынан, Bitget-те әртараптылықты жаһандық деңгейде дамыту үшін өзім үлгі болуға тырысамын. Сол себепті басшылық қызметтердің 40%-ы әйелдердің еншісінде. Мен барлығына ашық сөйлесуге және идеяларымен бөлісуге мүмкіндік беретін “қауіпсіз орта” мәдениетін қалыптастыруға ұмтыламын.
WIW3CH швейцариялық бастамадан 15 халықаралық бөлімшеге өсті. Сұраныс жайлы бұл нені аңғартады?
Жалле: Өкілдік тапшылығы тек аймақтық ерекшелік емес, жалпы әлемдік сипатта екенін көрсетеді. WIW3CH қауымдастықтарына жаһандық сұраныстың қарқынды өсуі – әйелдер өз дағдыларын шыңдап, кәсіби байланыс орнататын құрылымдық әрі сенімді орта іздеп жүргенінің көрінісі.
Бұл әйелдер орталықсыздандырылған болашақта жанама қатысушы болғысы келмейді. Олар техникалық және стратегиялық рөлдерге жол ашуды қалайды.
Дәл осы әйелдер сізден нақты нені сұрайды?
Жалле: Үнемі екі нәрсені сұрайды: сапалы оқу ресурстары мен кәсіби мәнді желіге жол ашу. Көбісі дәстүрлі қаржы, құқық немесе Web2 инженериясынан келіп жатыр әрі үстірт шолу емес, терең білім күтеді.
Оларға техникалық және комплаенс сауаттылық, құрылымды менторлық, сонымен қатар Web3 заңгерлері, салық кеңесшілері мен коммуникация, HR мамандары керек. Осылай өз жобасын бастау кезінде қателіктерге бой алдырмайды.
Bitget көптеген әйелдерге арналған Web3 желілерін қолдай алар еді. Неліктен дәл WIW3CH-ті таңдадыңыз, әрі сіздің ұстанымыңыз бұл саладағы көбіне ақпарат беру мен көріністілікке сүйенетін модельдерден несімен ерекше?
Чен: WIW3CH әйелдерді нақты қолдауға бағытталған ұстанымды жүзеге асырады. Олар пайдалы кеңестер мен сапалы тереңдетілген оқу контентін ұсынатын маңызды іс-шаралар ұйымдастырады. Білім беру саласына мән беру – әйелдердің саладағы табысқа қажетті нақты дағдылар мен сенімділікті иеленуіне өте маңызды.
Қорытындылай келе, біздің әріптестіктің негізінде саланың болашағына ортақ көзқарас жатыр әрі дәлелденген білімге негізделген, қолдау мәдениетін қалыптастыру тәжірибесі біз үшін әсерімізді ұлғайтар сенімді серіктес етеді.
Әйелдерге бағытталған топтар туралы ең үлкен қате түсінік қандай?
Жалле: Олар бейресми не оқшау орта деп ойлайды. WIW3CH – техникалық, құқықтық, маркетинг пен DeFi саласында тәжірибесі бар мамандар шоғырланған, дағдыға бағытталған орта.
Біз стартап негізін қалаушыларға қолдау көрсетіп, жалпы саладағы талант тапшылығын өтеуге қабілетті білікті мамандар қатарын ұсынамыз. Әртүрлілік – біз үшін есеп беретін көрсеткіш емес, ұзақ өмір сүретін жобалар жасаудың басты шарты.
Екі-үш жылда шынайы ілгерілеу қандай болуы керек, жай инклюзия статистикасынан тыс?
Жалле: Әйелдер негізін қалаған көбірек Web3 протоколдары, әйелдер басқарушы венчурлық капитал бөліністері, әрі комплаенс, ЖИ және инфрақұрылымды дамытуда тұрақты әйел мамандар. Ілгерілеу болғанда Gracy Chen сияқты әйел жетекшінің жаһандық биржаны басқаруы таңғаларлық жағдай емес, қалыпты салалық стандарт болар еді.
Серіктестік подкаст, мақала, мүшелік, іс-шараларды қамтиды. Форматтың сан алуандығы не үшін қажет?
Жалле: Себебі әр формат өз кезеңіне сай келеді. Подкаст бастапқы қадам – шынайы тәжірибелерді көрсетіп, әйелдердің нақты қандай кедергілер көретінін ашып, бастаушыларға жалғыз емес екенін ұғындырады.
Мақалалар келесі саты. Онда әйелдерге техникалық әрі стратегиялық қырын өз қарқынында меңгеруге мүмкіндік беретін кеңес пен нұсқаулықтар бар. Ал іс-шаралар мен мүшелік өсу инфрақұрылымын жасап, менторлар, әріптестер мен институционал көшбасшыларды байланыстырады, олар оқушыдан кәсіпкер не топ-менеджерге дейін өсуге көмектеседі.
Чен: Осындай дәйекті даму біздің көзқарастың өзегі. Әйелдің Web3-дегі жолы көпқабатты ұстанымды талап етеді және осы әріптестік әйелдерге өз жағдайына қарай жан-жақты қолдау көрсетеді. Blockchain4Her әйелдерге әр сатыда сенімді қолдау мен құрал ұсынып, бірге жүреді. Институционалдық ауқымды жергілікті сеніммен ұштастыра отырып, Web3 көшбасшыларының жаңа буынын тәрбиелеуге болады.
Жауапкершіліктен бас тарту: Бұл мақала тек жалпы ақпараттық мақсатта ұсынылады, инвестициялық, құқықтық немесе қаржылық кеңес болып табылмайды әрі ешқандай қаржылық құралдар немесе цифрлық активтерді сатып алу не сату туралы ұсыныс немесе шақыру емес. Көрсетілген көзқарастар ағымдағы нарықтағы байқауларға негізделген және өзгеруі ықтимал. Алдыңғы нәтижелер болашақ табыстарға кепілдік бермейді. Цифрлық активтер құбылмалы және барша инвесторларға жарамауы ықтимал. Оқырмандар кез келген инвестициялық шешім қабылдамас бұрын жеке дербес зерттеу өткізіп, кәсіби кеңес алуы керек. Шектеулер қолданылуы мүмкін.
