Соңғы он жылдықта крипто-активтерге инвестициялау бағыты тамырымен өзгерді. Әу баста «HODLing» мен жай ғана спот-сатып алуларға негізделген тар ауқымды технологиялық эксперимент ретінде басталып, уақыт өте келе ол дәстүрлі қаржы нарықтарына ұқсас күрделі қаржы экожүйесіне айналды.
Ортаның кеңеюімен қатар, қатысушылардың бейіндері мен қалаулары да әртүрлі бола түсті. Енді көптеген пайдаланушылар крипто-активтермен әртүрлі әдістер арқылы жұмыс істеуге мүмкіндік беретін жаңа құралдар мен мүмкіндіктерді зерттеп жүр. Бұл құралдар нарықтың әртүрлі жағдайларында қолданылуы ықтимал. Алайда, осы құралдардың белгілі бір тәуекелдерге ие екеніне және олардың барлығына бірдей қолайлы болмауы ықтимал екеніне назар аудару қажет.
Маржа саудасы бұрын мекемелік қатысушыларға ғана тиесілі болған стратегия болса, қазір тәжірибелі трейдерлерге барған сайын қолжетімді бола бастады. Бұл сауда түрі тартылған қаражатты қолданумен жүзеге асады да, соның арқасында күрделілік пен тәуекел деңгейі артқанымен, табыстың өсімін де қамтамасыз етеді.
Дегенмен, қаржылық мүмкіндіктің кеңеюі — үлкен жауапкершілік пен сенімді платформаға деген қажеттілікті қоса алып келеді. Bitpanda жүйесі пайдаланушыларға жауапты түрде өз позицияларын басқаруына көмектесетін интуитивті интерфейс пен құралдарды ұсыну үшін Маржа сауда өнімін іске қосты.
Маржалық лимиттік ордерлер сынды функциялар пайдаланушыларға позицияға құрылымдық жолмен кіру немесе шығу параметрлерін анықтауға мүмкіндік береді. Құралдар трейдердің қалаған сауда ұстанымын жүзеге асыруында қолғабыс бола алғанымен, маржа саудасына тән тәуекелдерді жоя алмайды және нәтижелер нарық жағдайларына байланысты айтарлықтай ерекшеленеді, толық шығынға да әкелуі ықтимал.
Бұл мақалада маржа саудасының жұмыс істеу механикасы мен тәуекелдері, оның стратегиялық артықшылықтары және Bitpanda платформасының осы саладағы жаңа тәсілдері қарастырылады.
Механизмін түсіну: маржа саудасы деген не?
Маржа саудасының мәні – қаржы активін саудалау үшін қарыз қаражатты пайдалану. Бұл тәсіл трейдерге өзінің шотындағы баланстан үлкен көлемдегі позицияны ашуға мүмкіндік береді. Қарыз капитал левередж ретінде әрекет етеді де, трейдердің жеке капиталының сатып алу мүмкіндігін күшейтеді.
Мүмкіндіктері мен тәуекелдерін түсіну үшін нақты мысалға назар аударайық. Трейдер белгілі бір крипто-актив бойынша бұқа трендін анықтап, одан пайда көргісі келеді деп елестетейік.
● Спот сауда. Трейдердің қолында 200 еуро болса, ал ол сатып алған крипто-активтің бағасы 10%-ға өссе, оның табысы 20 еуроны құрайды.
● Маржа саудасы (5x левередж). Трейдер сол 200 еуроны «маржа» ретінде қойып, платформадан қосымша 800 еуро қарыз алады. Осылайша, трейдер 1 000 еуроға тең позицияны бақылайды. Егер актив бағасы 10%-ға өссе, позиция көлемі 1 100 еуроға жетеді. Қарызға алынған 800 еуроны қайтарған соң, трейдердің қолында 300 еуро (комиссиялар және сауда шығындарын алу керек). Пайда — 100 еуро, бұл бастапқы 200 еуро салымға 50% қайтарым (комиссиялар мен сауда шығындарын есептемегенде).
Алайда, левередж екі қырлы құрал екенін ұмытпау керек. Күшейту кері бағытта да солай әсер етеді. Егер жоғарыдағы мысалда нарық трейдерге қарсы 10%-ға өзгерсе, позиция көлемі 900 еуроны құрайды.
Қарызға алынған 800 еуроны қайтару керек болған соң, трейдердің жеке капиталы 100 еуроға дейін қысқарады. Нәтижесінде, нарықтағы 10%-дық құлдырау бастапқы капиталының 50%-ын жоғалтады (оған қоса төленуі тиіс комиссиялар мен сауда шығындары). Математикалық заңдылық маржа саудасында тәртіп, тәжірибе және берік платформаның маңыздылығын айқындайды.
Bitpanda маржиналды саудасының негізгі ерекшеліктері
Bitpanda өзінің маржа өнімін кәсіби трейдинг терминалдарына тән күрделілікті жойып, сонымен бірге тәжірибелі трейдерлерге қажетті құралдарды сақтай отырып әзірледі.
1. Икемді левередж және активтердің әртүрлілігі
Левередж тек бірен-саран токенмен шектелетін платформалардан өзгеше, Bitpanda 120-дан астам крипто-актив бойынша ұзақ позиция алуға мүмкіндік береді. Левередж мөлшері өтімділікке байланысты динамикалық түрде реттеледі де, бұл пайдаланушыны қорғауға бағытталған.
● Жоғары санаттағы активтер (мысалы, BTC, ETH, XRP). Мұнда 10x-ға дейін левередж ұсынады, себебі олардың сауда көлемі мен тұрақтылығы жоғары.
● Орташа капиталдандырылған активтер. Мұндай активтер үшін левередж деңгейі (мысалы, 2x, 3x немесе 5x) төменгі капиталдандырылған монеталардағы тайғақтық пен бағалардың күрт ауытқуын болдырмау үшін барынша реттеледі.
2. Шығынды үнемді стратегияны іске асыру
Маржа стратегиясының табысын жасырын түрде төмендететін комиссиялар жиі ұшырасады. Bitpanda белсенді трейдерлерге тиімді болу үшін ерекше бәсекелі комиссия құрылымын енгізді:
● 0%-дық сатып алу комиссиясы. Левередж позициясын ашқан кезде сауда комиссиясы төленбейді. Бұл мезгілсіз көлем бойынша % алады басқа платформалармен салыстырғанда едәуір тиімді.
● 0%-дық енгізу және шығару комиссиясы. Экожүйеге ақша енгізу мен шығару еш кедергісіз өтеді.
● Ашық қаржыландыру шығыстары. Күніне 0,18%-дық қаржыландыру мөлшерлемесі (әр төрт сағат сайын 0,03%) алынады. Бұл ашықтық трейдерлерге позицияны түнде не демалыс күндері ұстау құнын нақты есептеуге мүмкіндік береді.
● Әсерлі 0,3%-дық сату және 1%-дық ликвидациялау комиссиясы.
3. Ыңғайлы пайдаланушы тәжірибесі (UX)
Маржиналық өнім Bitpanda интерфейсіне, яғни веб пен мобильді қосымшаларға толық біріктірілген. Трейдерлер өз позицияларын көріп, «Денсаулық деңгейін» (позицияның жойылуына қаншалықты жақын екенін көрсететін көрсеткіш) бақылап, левереджді төмендету және жойылудан сақтану үшін лезде қосымша қаражат қоса алады. Интерфейс қарапайым брокерлік қосымша мен кәсіби трейдинг құралы арасындағы айырмашылықты жояды.
Стратегиялық пайдалану жағдайлары: алыпсатарлықтан тыс
Көпшілігі левереджді тек жоғары тәуекелмен байланыстыра тұрғанымен, Bitpanda Margin Trading тәжірибелі трейдерлер тарапынан әртүрлі стратегиялық мақсатта қолданылады:
● Капиталдың тиімділігі. Трейдерлер нарықтық әсерін бар өтімділігін жұмсамай-ақ ұлғайта алады. Левередж 5x қолданғанда трейдердің позиция құнының небәрі 20%-ын енгізуі жеткілікті, ал қалған қаражатын басқа мүмкіндіктерге немесе кіріс әкелетін белсенділіктерге еркін пайдалана алады. Дегенмен, қаржыландыруға комиссия мен жоғалту тәуекелі бар екенін есте ұстау керек.
● Қысқа мерзімді импульс. Күндізгі трейдерлер үшін пайыздық аз ғана қозғалыстан пайда көру өте маңызды. Ethereum-дағы 2%-дық күндізгі қозғалыс спот трейдер үшін айтарлықтай болмауы ықтимал, бірақ 10x левередж қолданғанда ол 20%-ға дейін мүмкіндік береді. Сол сияқты, 2%-ға төмендеу 20%-дық шығынды білдіреді және соған қоса комиссияны төлеу керек болады.
Тәуекелдерді басқарудың маңызы
Bitpanda бұл өнімді негізінен тәжірибелі трейдерлерге ұсынады және ол орынды шешім. Крипто нарығындағы құбылмалылық пен левередждің қосылуы өте тәуекелді орта қалыптастырады.
Bitpanda «брокерлік стильдегі» тәуекелдерді басқару ұстанымымен сенімді қорғаныс ұсынады. Таза биржалардағыдай флэш-құлдырау кезінде ордер кітабынан бәрі жойылып кетпейтінімен ерекшеленіп, Bitpanda өтімділікті сырттан қамтамасыз ете отырып, бұйрықтардың орындалуын және бағалардың тұрақтылығын сақтайды. Сонымен қатар, бұл платформа трейдерлерге жойылу шектерінің нақты уақыты режиміндегі ескертулері мен көркем визуализациясын ұсынып, оларды ақпараттандырады.
Алайда, жауапкершілік ең алдымен пайдаланушының өзінде. Табысты маржиналды трейдинг қатаң стоп-зиян ережелерін (ойша не автоматты түрде) қадағалауды және шамадан тыс левереджге жол бермеуді талап етеді. Тәуекелдер түгелімен бақылауға бағынбайды, өйткені нарықтағы өзгерістер өте жылдам болып, алдын ала болжау мүмкін емес.
Қорытынды: Еуропалық трейдерлер үшін жаңа стандарт
Bitpanda-ның маржиналды трейдингті енгізуі Еуропада дамыған трейдинг құралдарына деген қызығушылықтың жоғарылағанын көрсетеді. Бұл инвесторлардың кәсіби деңгейдегі құралдарға дайын екенін, егер ашық тәуекелдер мен жауапты қорғаныс шаралары қатар ұсынылса қабылдай алатынын аңғартады.
Bitpanda-ның дәстүрлі брокерлік инфрақұрылымы мен қолданушыға ыңғайлы интерфейсіне 10x левередждің мүмкіндігін қосып, платформаның маржиналды трейдингі трейдингке қолжетімді әрі ақпаратқа негізделген тәсіл ұсынады. Бұл қолданушыларға стратегияларын күшейтіп, нарықтық әсерден хедж жасап, крипто нарығында неғұрлым нақты әрекет етуге жол ашқанымен, тәуекелі де жоғары болады.
Күрделі трейдинг функцияларын зерттеп көргісі келетіндерге Bitpanda крипто-активпен жауапты әрі ақпаратқа сүйеніп айналысу үшін арналған арнайы құралдарды ұсынады.
Ескерту: Крипто-активтерге инвестиция салу тәуекелге ие және барша инвесторға жарамайды. Крипто-активтердің құбылмалылығы жоғары. Инвестицияның бір бөлігін немесе түгелін жоғалтып алу ықтимал. Маржиналды трейдинг Bitpanda GmbH тарапынан ұсынылады және ықтимал пайда, зиянды көбейту үшін крипто-активтерді қарызға алуды қамтиды. Тіпті бағаның аз ғана өзгеруі маржиналды қосымша жабу не жоюға апарып, капитал толық жоғалуына әкелуі ықтимал. Қарыз алу бойынша комиссия әр 4 сағат сайын есептеледі, маржиналды деңгейге кері әсер етеді. Маржиналды трейдинг тек тәжірибелі трейдерлерге арналған. Тәуекелдерді жете түсініп, толық қаржылық жоғалтуды көтере алатыныңызға көз жеткізіңіз. Жоғалтуға айтарлықтай әсер ететін не бүкіл қаржыңызды ешқашан саудаға салмаңыз.
