Әлемдік цифрлық актив индустриясы дамып, пісіп-жетілген сайын, әңгіменің бағыты алыпсатарлықтан құрылымға, сәйкестік пен ұзақ мерзімді инфрақұрылымға ойыса бастады. Bitpanda компаниясы дәл осы ауысымды айқын көрсете алатын санаулы ұйымдардың қатарында. Еуропада құрылған платформа уақыт өте келе реттелетін, көп активтен тұратын инвестициялық экожүйеге, әрі жаһандық ауқымын кеңейтіп, даму үстінде.
Bitpanda-ның Жаһандық нарықтық стратегия мен операциялар жөніндегі вице-президенті Вишал Сачиндранмен жақында өткен сұхбат барысында бір ғана тақырып ерекше көзге түсті: реттеу компанияның дамуын тежеп отырмағанын, керісінше кеңеюінің негізгі қозғаушысы екендігін көрсетті.
Реттеу дамудың қозғаушы күші ретінде, шектеу емес
Bitpanda үшін реттеу ешқашан жай ғана формальді талаптарды орындау болған емес. Сачиндран түсіндіргендей, «реттеу жаһандық кеңеюіміздің іргетасы – ешқандай кедергі емес». Оның айтуынша, Еуропада MiCAR-ға қол жеткізу, Ұлыбританияда FCA-ға тіркелу және Дубайда VARA мақұлдауын алу компанияның аймақтар арасындағы «бірізді операциялық үлгі құру» мақсатындағы жоспарлы стратегиясының бір бөлігі.
Осындай реттеуге басымдық беру тікелей институционалдық сенімге негіз болған. Сачиндран айтып өткендей, «сәйкестік жөнінде ерте әрі белсенді әрекет етуіміз институттар арасында мықты сенім артықшылығын берді».
Bitpanda жүйесін өзгеріп жатқан талаптарға бейімдеп емес, ең басынан бастап реттеудің жоғары стандарттарынан асып түсетіндей етіп инфрақұрылым құрды, жаңа нарықтар ашылған кезде компанияға жылдам әрекет етуге жол ашып отыр.
Оның сөзімен айтқанда, «инфрақұрылымымыздың өзі реттеу талаптарының ең жоғарын орындап тұрғандықтан, жаңа нарықтарға жылдам кіре аламыз».
Таяу Шығыстың маңызы неде
Bitpanda Еуропадан тысқа көз тіккенде, Таяу Шығыс пен Солтүстік Африка (MENA) аймағы басты стратегиялық фокусқа айналды. Сачиндран аймақтың күшті демографиялық әрі нарықтық негіздерін атап өтіп, «MENA әлемдегі ең жас әрі жылдам дамып келе жатқан инвесторлар популяцияларының бірі, әрі цифрлық активтерге сұранысы зор» екенін айтты.
Реттеу саласындағы жетістіктер де маңызды рөлге ие. Сачиндран аймақтың «айқын және алға басушы реттеушілік шеңберлер қалыптастырып жатқанын, әсіресе БАӘ-ін ерекше атап өтіп», бұл реттеу нормаларына сәйкес әрі тұрақты нарыққа кіруге қолайлы орта туындағанын жеткізді.
Соның нәтижесінде, Bitpanda-ның аймақтық стратегиясы нарықты бұзумен емес, әріптестікке негізделіп құрылған. Ол былай деді: «Біздің стратегиямыз банктермен, институттармен және реттеушілермен әріптестікке негізделіп, нарыққа талапқа сай енуді қамтамасыз етеді».
Сачиндран, сонымен қатар, әр нарық арасындағы маңызды бір айырмашылыққа назар аударды. Ол Еуропада өсуді негізінен бөлшек пайдаланушылар қамшыласа, «Еуропада бөлшек инвесторлар негізгі күш болса, MENA-да институттар бастамашы, әрі біздің үлгіміз екі ортада да жақсы жұмыс істейді» деп айтты.
Біртұтас инвестициялық тәжірибе — ортасында крипто
Бүгінде Bitpanda жай ғана крипто саудасымен шектелмейді; платформаның пайдаланушыларына акцияларға, ETF-терге, тауарлар мен қымбат металдарға қол жеткізе алады. Дегенмен, Сачиндран компанияның кеңеюі оның негізгі болмысынан бас тартатынын жоққа шығарды.
Диверсификация, оның айтуынша, «қолданушылар сұранысы мен ұзақ мерзімді маңыздылыққа назар аударып, криптоны алмастырмай, одан толықтыратын активтерге бағытталады».
Сачиндранның айтуынша, негізгі мақсат – «крипто мен дәстүрлі активтерді біріктіретін біртұтас инвестициялық тәжірибе қалыптастыру», оларды екі бөлек әлем ретінде қарастырмай. Осы ұстаным жаңа өнімдерді жобалау мен ұсыну тәсілдеріне де ықпал етеді. Ол айтып өткендей, «біз ұдайы, тәуліктің кез келген уақытында ұсынылуы мүмкін, толық ашықтықпен фракциялық үлеспен жүзеге асатын активтерге басымдық береміз».
Өнім түрлері арта түссе де, криптовалюта платформа жүрегінде өзгеріссіз қала берді. «Криптовалюта біздің болмысымыздың ортасында қала береді, әрі әртараптандыру заманауи инвестициялық платформа ретіндегі позициямызды нығайтады», – деді Сачиндран.
Институттар үшін инфрақұрылым қабатын құру
Тек тұтынушыға арналған платформамен шектеліп қалмай, Bitpanda өз институттық қатысуын Bitpanda Technology Solutions (BTS) арқылы біртіндеп кеңейтіп келеді. Сачиндран былай деді: «BTS қазірдің өзінде Еуропа мен MENA аймағы бойынша банктерге, финтехтерге, необанктерге цифрлық актив сервисін ұсынып, осы бағытта нарыққа заңды түрде кіруге мүмкіндік беретін маңызды құралға айналды».
Алдағы уақытта BTS одан әрі жетілдіріледі. Сачиндран айтып өткендей, «келесі кезең – кастодициялау, сауда, токенизация және есеп айырысу бағыттарын модульдік инфрақұрылым ретінде тереңірек біріктіру», яғни қаржы институттарына жүйелерін қайта құруға мәжбүр қылмай-ақ, цифрлық активтерді көбірек енгізуге мүмкіндік беру.
Бұл эволюция Еуропадағы реттеу үдерісімен тығыз байланысты. «Банктер MiCAR-ға сай реттелетін криптоны қабылдаған сайын, BTS олардың негізгі әмбебап шешіміне айналуға өте жақын», – деді ол.
Осы ниеттің ауқымын көрсету үшін, Сачиндран BTS-ті бұлттық есептеуіш технологиясының алғашқы кезеңімен салыстырады, яғни, BTS «бұлттық провайдерлер интернетті кеңінен қолдағаны сияқты, негізгі инфрақұрылым бола алады» деп айтады.
Стейблкоиндер мен реттелетін орталықтандырылмаған қаржы басты назарда
Bitpanda-ның даму картасындағы ең келешегі зор бағыттардың бірі – стейблкоиндер мен орталықтандырылмаған қаржы түйіскен жер. SG-FORGE-пен әріптестік арқылы компания «реттелетін еуро стейблкоиндері мүлде жаңа институционалдық қолдану сценарийлеріне жол аша алатынын» көрсетті.
Сачиндранның айтуынша, «стейблкоиндер жылдам есеп айырысуға, трансшекаралық төлемдерге және он-чейн қаржыға арналған қаржылық инфрақұрылымға айналып келеді», ал «DeFi реттелетін әрі институционалдық үлгілерге, оның ішінде токенизацияланған ақша нарықтары мен он-чейн кепілзатқа ауысып жатыр».
Осы тұрғыдан алғанда, Bitpanda «осы жаңашылдықтарға бөлшек қолданушылар мен институттар үшін сенімді әрі заңды қолжетімділік беруді, дәстүрлі қаржыны он-чейн экожүйелермен байланыстыруды» мақсат етеді, – деп түйіндеді Сачиндран.
Bitpanda-ға әрі қарай не болады?
Алдағы 18–24 ай тұрғысында, Вишал Сачиндран реттелетін жаһандық кеңею мен өнім ауқымына арналған даму картасын белгіледі. Ол «APAC, LATAM және Таяу Шығыс сияқты айқын реттеушілік шеңбері бар аймақтарға кеңеюге» ерекше екпін берілетінін, әрі сәйкестік Bitpanda өсуінің келесі кезеңіндегі басты фактор болатынын атап өтті.
Өнімдік бағытта, Сачиндран «байлықты басқарудың жетілдірілген құралдарын, көбірек токенизацияланған активтерді және акциялар мен ETF интеграциясын тереңірек қамтитын жаңа өнімдер желісін» атап өтті.
Сонымен бір мезгілде, Bitpanda Bitpanda Technology Solutions-ті «қаржы институттарына арналған жаһандық инфрақұрылым қабатына» айналдыруды, әрі «цифрлық активтердің жаппай мойындалуын жылдамдататын қаржы мен технология саласындағы стратегиялық әріптестіктерді арттыруды» жоспарлайды.
Цифрлық актив саласы жаңа кезеңге аяқ басқан шақта, Bitpanda стратегиясы нағыз жеңімпаздар ең жылдам әрекет еткендер емес, құрылымы, сенімділігі және ұзақ мерзімді көзқарасы барлар болатынын меңзейді.
