Cardano Foundation 2 сәуірде 2025 жылға арналған қызмет және қаржылық шолу есебін жариялап, активтер құнының күрт төмендегенін көрсетті. Швейцарияда орналасқан коммерциялық емес қор нарықтық құнымен 287,5 млн швейцария франкіне (қазіргі айырбас бағамымен шамамен 361 млн доллар) тең активтерге ие екенін хабарлады. Бұл – 2024 жылдың соңында тіркелген 659 млн доллардан 45%-ға төмендеу.
Төмендеу негізінен ADA бағасының кең ауқымды құлдырауын көрсетіп отыр, қордың портфеліндегі түбегейлі өзгеріске емес.
Үш жылдық үрдіс: криптоның қысқаруы және әртараптандырудың өсуі
Қор жыл соңында 561 млн ADA ұстап қалды, ал 2024 жылы бұл көрсеткіш 599 млн болатын. Bitcoin резерві күрт қысқарды: 1 054 BTC-дан 656 BTC-ға дейін төмендеді. Дегенмен, бұл азайту саналы түрде жүргізілді. Есепте Bitcoin-нің белгілі бір бөлігі несиелер мен ұжымдық инвестициялық схемаларға орналастырылғаны айтылған. Қордың айтуынша, бұл тәсіл нарық құлдырағанда криптоны мәжбүрлеп сатпай-ақ, операциялық тұрақтылықты қамтамасыз етуге көмектеседі.
Қаржылық активтер 18 млн доллардан 55 млн долларға дейін үш есеге өсті және енді үшінші тарапқа берілген несиелерді, акциялар мен инвестициялық қорларды қамтиды. Қолма-қол ақша мен қаржылық активтер жалпы көлемнің 25,5%-ын құрады, ал былтыр 8,3% болған. Үш жыл бұрын бұл көрсеткіш небәрі 7,4% еді. Қор қазір криптовалютаны сатпай-ақ, бір жылдан астам операциялық шығындарды жабуға жеткілікті қолма-қол және қаржылық активке ие .
Шығындарға келсек, қор 29,7 млн долларды үш бағыт бойынша бөлді: 40,3% технология, 39,6% қабылдау, 20,1% басқару. Қызметкерлерге жұмсалатын шығындар бір жылда 25%-ға азайып, сыртқы қызметтер мен аутсорсингке жұмсалатын шығындар айтарлықтай өсті.
Алғашқы он-чейн аудиттік растау
Биылғы маңызды жаңалықтың бірі – Grant Thornton Switzerland аудиторлық ұйымы өз аудит нәтижелерін тікелей Cardano блокчейнінде тіркеді. Қор 2024 жылдан бастап Reeve платформасы арқылы он-чейн қаржылық деректерін жариялап келеді. Алайда, осы жылы аудитордың өзі аудиторлық қорытындысын блокчейінде сақтап, дәстүрлі швейцариялық аудитті блокчейндік верификациямен үйлестірді.
Есепте Cardano қазынасынан алғашқы рет қаражат алынғаны да айтылды. Cardano Summit пен аймақтық іс-шаралар үшін 6 млн ADA-ға бюджет бөлініп, 2,8 млн ADA Берлиндегі басты жиынға жұмсалды. Бірінші рет толық шығын құрылымы ашық жарияланды.
Алда не күтіп тұр
2026 жылы қор назарын нақты әлемдік актив инфрақұрылымына, стейблкоин нарығын кеңейтуге және DeFi өтімділігін арттыруға аудармақ. Cardano негізін қалаушы Charles Hoskinson жақында қазына инвеститциясына арналған бөлек үлгіні ұсынды, оған сәйкес қаражат алған жобалар нарықтан ADA сатып алып, түсімді қайтадан қазынаға беріп отырады. Қор алғаш рет қазына ақшасын жұмсап көріп, он-чейн қаржыландыру тәжірибеде қалай жүзеге асатынын сынап көріп жатыр.
