Крипто нарығында осы аптада 636,4 млн доллардан астам сомаға токендер айналымға шығады. Ірі жобалар қатарына Sui (SUI), EigenCloud (EIGEN) және Kamino (KMNO) кіріп, айтарлықтай жаңа токен ұсыныстарын енгізеді.
Айналымға шығарылатын жаңа токендер нарықта құбылмалылық тудырып, қысқа мерзімді баға қозғалысына әсер етуі ықтимал. Сондықтан назар аударатын маңызды мәліметтермен бөлісеміз.
1. Sui (SUI)
- Айналымға шығу күні: 1 тамыз
- Айналымға шығатын токен саны: 13,72 млн SUI
- Айналыстағы ұсыныс: 4,06 млрд SUI
- Жалпы ұсыныс: 10 млрд SUI
Sui — жоғары өнімділікке ие блокчейн, ол ауқымдылық, төмен кідіріс пен орталықтандырылмаған қосымшаларға (dApps) арналған инфрақұрылымды ұсыну үшін жасалған. Сонымен қатар, Sui объектіге бағдарланған деректер үлгісі және Move бағдарламалау тілі арқылы басқа блокчейн құрылымдарындағы тиімсіздіктерді шешуге тырысады.
1 тамыз күні жоба 13,72 млн SUI-ды нарыққа шығарып, ай басындағы cliff unlock дәстүрін жалғастырады. Бұл токендердің құны — 9,91 млн долларға тең әрі ол шығарылған ұсыныстың 0,34%-ын құрайды.
Жоба айналысқа шығатын альткоиндерді үш бағытқа бөледі. Ертерек үлес қосқандарға 7,65 млн токен беріледі. Оған қоса, Community Reserve 4 млн токен алады. Соңында, Mysten Labs Treasury 2,07 млн SUI-ға ие болады.
2. EigenCloud (EIGEN)
- Айналымға шығу күні: 1 тамыз
- Айналымға шығатын токен саны: 36,82 млн EIGEN
- Айналыстағы ұсыныс: 635,67 млн EIGEN
- Жалпы ұсыныс: 1,67 млрд EIGEN (2035 ж.)
EigenCloud (бұрынғы EigenLayer) — EigenLayer хаттамасы негізінде құрылған тексерілетін бұлттық платформа. Жоба әзірлеушілерге сенімді, тексерілетін Web3 қосымшалар мен сервистер үшін бірізді инфрақұрылым ұсынуда.
1 тамызда жоба 36,82 млн EIGEN токенін айналымға шығарады. Олардың шамамен құны — 7,63 млн доллар. Осы токендер шығарылған ұсыныстың 5,79%-ын құрайды.
EigenCloud 19,75 млн токенді инвесторларға бөліп береді. Бұған қоса, ертерек үлес қосқандар 17,07 млн EIGEN алады.
3. Kamino (KMNO)
- Айналымға шығу күні: 30 шілде
- Айналымға шығатын токен саны: 229,17 млн KMNO
- Айналыстағы ұсыныс: 7,71 млрд KMNO
- Жалпы ұсыныс: 10 млрд KMNO
Kamino Finance — Solana (SOL) блокчейніндегі орталықтандырылмаған қаржы (DeFi) протоколы, ол несиелеу, қарыз алу және өтімділікпен жұмыс істеуге маманданған.
30 шілде күні Kamino 229,17 млн KMNO-ны айналымға шығарады. Олардың шамамен құны — 4,14 млн доллар, ал бұл мөлшер шығарылған ұсыныстың 2,97%-ын құрайды.
Команда айналымға шығарылған токендердің басым бөлігін, яғни 145,83 млн KMNO-ны негізгі мүдделі тараптар мен кеңесшілерге таратады. Сондай-ақ, Kamino негізгі контрибьюторларға 83,33 млн токен береді.
Осы аталған жобалардан басқа, осы аптада инвесторлар назарға алатын тағы бірқатар ірі unlock-тар бар, солардың қатарында Falcon Finance (FF), Plasma (XPL), Sign (SIGN) секілді токендер де бар.
