АҚШ доллары индексі (DXY) 2022 жылдың басынан бері алғаш рет 96-дан төмендеді, осылайша 2011 жылдан бері доллардың күші үшін тірек болған 15 жылдық қолдау сызығынан айырылды.
Осы маңызды құлдырау президент Дональд Трамптың соңғы мәлімдемелері және макроэкономикалық факторлармен тұспа-тұс келді. Айта кету керек, DXY көрсеткішінің соңғы төмендеуі Bitcoin-ге (BTC) қатысты оптимизм тудырды.
АҚШ доллар индексі (DXY) 4 жылдағы ең төменгі деңгейге түсті
Жақында болған макроэкономикалық оқиғалар АҚШ доллары индексіне тұрақты қысым түсірді. Жапон йенасына араласудың ықтималдылығы туралы алыпқашпа әңгімелер JPY-ды нығайтса, «жасыл» ақшаның құнсыздануына себеп болды.
Сонымен қатар, кең ауқымды нарық тұрақтылығына қатысты алаңдаушылықтар қайтадан көрініс табуда. Euractiv жариялаған есепке сәйкес, Брюгге орталығы өткізген іс-шарада ХВҚ-ның басқарушы директоры Кристалина Георгиева Қордың «ешқашан болмауы мүмкін оқиғаларды» модельдеуге қабілетін күшейтіп жатқанын және саясаттық құралдар жиынтығын дайындап отырғанын айтты.
ХВҚ доллармен деноминацияланған активтерден жаппай шығу ықтималдылығына қатысты сұрақ қойылғанда, Георгиева ұйымның барлық сценарийлерді тұрақты түрде зерттеп отырғанын мәлімдеді.
Соңғы кезекте президент Трамптың мәлімдемелері доллар бағамына салмақ түсірді. Айова штатында тілшілермен сөйлесіп, ол АҚШ долларының соңғы әлсіреуіне аса мән бермей, валюта «өте жақсы» күйде екенін айтты.
«Жоқ, менің ойымша, керемет… Долдардың құнын қараңыздаршы, біздің бизнесіміз қалай жүріп жатыр. Доллар өте жақсы жағдайда», – деп сөйлеген еді.
Осы пікірлерден кейін DXY ең ірі бір күндік құлдырауға ұшырады, ол соңғы рет тарифтер-ге байланысты болған аумалы-төкпелі кезеңде, сәуір айында байқалған еді. Нарық деректеріне сүйенсек, индекс 95,5-ге дейін төмендеп, 2022 жылғы ақпаннан бері ең әлсіз деңгейге жетіп, кейін баспасөз уақытында 96-ға орнықты. Ол сондай-ақ 2011 жылдан бері ұстап тұрған негізгі ұзақ мерзімді қолдау деңгейінен төмендеді.
Алдағы үш күн шешуші болмақ. Егер айлық шам осы 15 жылдық тренд сызығынан төмен жабылса, сарапшылар доллар әлсіздігі жалғасады деп күтеді.
DXY төмендеуі bitcoin үшін нені білдіреді
АҚШ доллары мен Bitcoin арасындағы кері байланыс жақсы дәлелденген. Бүгінгі қозғалыстың ерекшелігі — DXY 96 деңгейінен төмендесе, бұған дейін ірі Bitcoin раллиллері басталған. Төмендеу оқиғалары жаңа көтерілуге себеп болған еді.
Сарапшылар 2017 және 2020 жылдары осы секілді оқиғалардан кейін Bitcoin-нің айтарлықтай өскенін атап өтті.
Сонымен қатар, соңғы техникалық талдау Bitcoin үшін бұқа импульсі бар сигналдарды көрсетіп отыр. Bitcoin Vector Bitcoin бағасы мен Салыстырмалы күш индексі (RSI) арасында дамып келе жатқан бұқа дивергенциясына назар аударды. Мұндай техникалық модель сатушылардың қысымының әлсіреуін білдіруі ықтимал.
Жазбада сол сияқты уақытша диапазондарда бұған дейінгі ұқсас жағдайлар шамамен 10% табысқа алып келгені айтылған, сондықтан баға қайтадан 95 000 долларға таяуы ықтимал деген тұжырым жасалады.
«Нағыз сигнал мына жерде: егер желі көрсеткіштері мен өтімділікте бір мезгілде өсім байқалса және BTC басымдығы сақталса, онда біз ірі бұқа қайта бұрылуы басталғанының куәсі болуымыз ықтимал», — деп жазылған жазбада.
Соған қарамастан, басқа сарапшылар ең ірі криптовалютада тағы да төмендеу болатынын алға тартады. Bitcoin-ге жаңа ралли әкелуі үшін қазіргі нарық жағдайлары алдағы аптада валюта нарықтары және кеңейтілген тәуекелі жоғары активтер жағынан растау табуы тиіс.
