Ethereum (ETH) 2025 жылы нарықтағы күтулерге сай нәтиже көрсетпей, актив төңірегіндегі көңіл-күйді бәсең күйде қалдырды. Дегенмен, RAAC негізін қалаушысы Кевин Рашер бағаға ғана назар аудару арқылы үлкен суретті ұмытып бара жатқанымызды айтады.
Рашердің айтуынша, 2026 жыл Ethereum үшін нарықты таң қалдыратын жылға айналып, стейблкоиндер, токендендірілген активтер мен төлемдер саласында институционалдық қолдаудың жеделдеуімен өсім көрсетуі ықтимал.
Көпшілік ETH бағасына назар аударып отыр, алайда Ethereum-ның шынайы өсуі басқа жақта
Ethereum 2025 жылы шамамен 10%-ға төмендеп, соңғы тоқсанда елеулі шығынға ұшырады. Айта кетерлігі, 2026 жылғы қаңтар оң көрсеткішпен басталып, актив аздаған өсімді тіркеді.
BeInCrypto Markets деректеріне сәйкес, Ethereum 3 000 долларлық межеден асты. Соңғы 24 сағатта бұл актив 1,76%-ға өсті. Жарияланған сәтте ETH 3 030 доллар деңгейінде сатылуда.
Бағалық ауытқулар тақырыпқа айналып, қауым ішінде қызығушылық тудырғанымен, Рашер кейбір шолушылар Ethereum-ды институционалдық деңгейде қабылдаудың қарқынды өсуі деген маңызды үрдісті елемейді дейді.
«Кейбір аса біржақты пікір иелері ETH бағасына шамадан тыс назар салып отырғанымен, Ethereum-ды жаңа крипто королі ретінде орнықтырып келе жатқан ауқымды институционалдық қолдауды байқамай отыр», – дейді Рашер.
Топ-менеджер Ethereum крипто экономикасының ең жылдам дамып жатқан салаларында көшбасшылық үлеске ие екенін түсіндірді. Рождество мерекесі кезінде желідегі стейблкоин эмиссиясы 59 млрд доллардан асып, Ethereum-ның басымдығын күшейтті. Бұл желі нарықтың 62%-дан астамын иеленіп, басқа блокчейндерден айтарлықтай озып тұр.
Токенизацияланған активтер Ethereum-ның позициясын нығайтып отыр
Токендендірілген активтер секторы Ethereum-ға қатысты бұқа нарративін одан әрі күшейтіп отыр. BeInCrypto хабарлағандай, 2025 жылы нарықтағы жалпы құлдырауға қарамастан нақты әлем активтері (RWA) айтарлықтай өсім көрсетті.
Сала сарапшылары және Crypto Twitter де 2026 жылы оң көңіл-күйде қалып отыр, әрі секторда тұрақты серпін мен қосымша өсу болады деп күтуде.
RWA.xyz деректеріне сүйенсек, қазіргі таңда Ethereum-да токендендірілген активтердің жалпы көлемі 12,5 млрд долларды құрап, нарықтың 65%-дан астамын қамтып отыр. Рашердің айтуынша, оның ең жақын бәсекелесі BNB Chain тек 2 млрд доллармен шектелсе, Solana мен Arbitrum-да бұл көрсеткіш 1 млрд доллардан да төмен. Демек, сектор биыл өсетін болса, Ethereum одан додан әрі ұта алады.
«Айталық, мереке кезінде тек токендендірілген алтынның өзі Ethereum желісінде 4 млрд доллардан асып, жылдың басында бар болғаны 1 млрд доллар еді. Токендендірілген алтын нарығындағы ірі ағын, іс жүзінде тек Ethereum-да іске асуда және Орталық банктер мен инвесторлар кез келген тәсілмен үлестіруге тырысып жатқандықтан, бұл өсім тек алға бағыт алып барады», – деді ол.
Капитал ағындары институционалдық ұстанымды көрсетеді
Рашер BeInCrypto-ға берген сұхбатында да ETH бағасына қатысты көңіл-күй бәсең болғанымен, капитал ағындары мүлде өзгеше көрініс ұсынады деп атады. 2025 жылы Bitcoin-ға кіріс 2024 жылмен салыстырғанда екі есе азайса, Ethereum-ға ағылған қаржы керісінше екі есе өсті.
Топ-менеджер State Street зерттеуіне сілтеме жасады, онда активтерді басқарушылардың 6%-ы өз портфелінің 5% немесе көбірек бөлігін Ethereum-ға салып отырғаны, ал Bitcoin-да бұл көрсеткіш – 5%.
Соңында, Рашер Artemis зерттеуіне назар аударды, сонда B2B стейблкоин төлемдері Ethereum желісінде 2024 жылғы тамыздан 2025 жылғы тамызға дейін тұрақты өсімді көрсеткен.
«Қысқаша айтқанда, Ethereum-да стейблкоиндер, токендендіру және төлемдер арқылы институционалдар қарқынды үдеріс жасап жатқанын ескерсек, 2026 жылы өсім актив ретінде Bitcoin-ға үміт артып отырғандарға тосын сый болмақ», – деді ол.
Рашердің оптимизмімен келісетіндер бар. BitMine төрағасы Том Ли де Ethereum бойынша бұқа ұстаным ұсынды. Соңғы сұхбатында Ли, ETH 2026 жылдың басында 7 000 – 9 000 доллар аралығына жетуі ықтимал, бұл қазіргі деңгейден 130%-ға – 200%-ға дейін өсу мүмкіндігін білдіреді деп болжады.
Жалпы, Ethereum-ның баға динамикасы 2025 жылы әлсіз көрінгенімен, негізгі деректер оның цифрлық актив экономикасындағы рөлі үздіксіз кеңейіп жатқанын көрсетеді. Бұл өсім тұрақты баға өсіміне алып келетінін 2026 жыл барысында көбірек байқайтын боламыз.
