Ethereum негізін қалаушылардың бірі Виталик Бутерин қолданушының дербестігі мен құпиялығына басымдық беретін цифрлық құралдарды дамытуға шақырды.
10 қаңтарда әлеуметтік желі X платформасында жасаған мәлімдемесінде Бутерин әзірлеушілер корпорациялардың психологиялық қысымынан мен деректерді жинаудан қолданушыларды қорғайтын «тəуелсіз веб» құруға бет бұруы қажет деп мәлімдеді.
Виталик Бутерин ірі технологиялық компаниялардан тәуелсіз «егемен веб» құру жоспарын ұсынды
Бутерин өзінің ең өткір сын-пікірін қазіргі интернет экожүйесіне бағыттады, ол оны «corposlop» деп атады.
Ол бұл құбылысты беделді, жылтыр брендтеуді және пайдаланушылардың мүмкіндіктерін елемей, табысты барынша арттыруға бағытталған жыртқыштық корпоративтік оңтайландырудың бірігуі деп сипаттады.
Бутериннің айтуынша, осындай ортада ірі технологиялық компаниялар шынайы ұзақмерзімді құндылықтан гөрі қысқамерзімді қатысу көрсеткіштеріне – дофаминге әсер ететін алгоритмдер мен қолдан жасалған ашу-ызаны басым көреді, әрі бұл жағдай «жансыз» біркелкілікпен айқындалады.
Ол қажетсіз жаппай дерек жинаудың, сондай-ақ «қоршалған бақшалардың» кең таралғанын ерекше атап өтіп өтті, өйткені олар монополиялық төлемдерді енгізіп, біріктіруге жол бермейді.
Бутерин осы механизмдер шын мәнінде қызмет көрсетіп жатқандай көрінгенімен, қолданушылардың құқығын жүйелі түрде шектейді деп сендірді.
Осындай коммерциялық үлгіге қарсы Ethereum авторы цифрлық егемендіктің жаңаша түсінігін ұсынды.
«Тəуелсіздік» сөзі 2000-жылдары негізінен мемлекеттік цензурадан қашуды білдірсе, Бутерин бүгінгі ұғым психологиялық дербестікті қорғауды да қамтуы керегін атап өтті.
«[Тəуелсіздік] – адамның белгілі бір істерді өзінің сенімі үшін жасауы және ‘метаның’ бәрін бірдей ететін, жансыз әрі күйресін түсінігінен бас тартуы» деп түсіндірді Бутерин.
Оның пікірінше, шынайы тəуелсіздікке қол жеткізу үшін криптографиялық құралдар керек, өйткені олар компаниялардың қолданушылар назарын мен қаражатын алуға тырысуынан қорғайды.
«Айту керек, bitcoin максималистері әлдеқайда алда болды: олардың ICO-ларға, bitcoin-нан басқа токендерге, еркін қаржы қосымшаларына қарсылығы негізінен bitcoin-ды «тəуелсіз» әрі «corposlop» қылмауда жатыр», – деп жазды ол.
Тəуелсіз интернет қалыптастыру үшін Бутерин әзірлеушілерге нақты жол картасын ұсынды. Ол құпиялылықты сақтайтын, жергілікті деңгейде жұмыс істейтін, үшінші тарап делдалдарға сүйенуді азайтатын қосымшаларды әзірлеуді қолдады.
Оған қоса, Бутерин орнықты байлық жинақтауға көмектесетін қаржылық құралдар қажет екенін айтты. Алайда, ол жоғары левереджге негізделген алыпсатарлыққа не «спорттық бәс тігу» мінезге жәрдемдесетін платформаларды айқын сынға алды.
Мәлімдеме адамның еңбек өнімділігін машинамен үйлестіретін, ал қолданушының енжарлығын арттырмайтын ашық жасанды интеллект жүйелеріне үндеумен аяқталды.
