Инвесторлар альткоиндерге капитал бөлуге келгенде, барған сайын таңдаулы қарап жүр. Бұл өзгеріс альткоин маусымын бұрыңғысынан да талғампаз етті. Zcash (ZEC) және басқа да құпиялылыққа басымдық беретін коиндер кеңінен таралған нарықтық қорқынышқа қарамастан, әлі күнге дейін бірінші орында тұр.
Grayscale тарапынан жарияланған соңғы деректер мен есептерге сәйкес, ZEC ұстаушылардың көңіл-күйі желтоқсан айында тұрақты сақталды. Кейбір көрсеткіштер тіпті оң бағытта өзгерді.
Zcash Shield пулы тарихи максимумға жетті
zkp.baby ұсынған мәліметке сүйенсек, Shield Pool-да бұғатталған ZEC көлемі жаңа тарихи максимумға жетті. Бұл көрсеткіш 5 млн ZEC-тан асып, айналымдағы ұсыныстың шамамен 30%-ын құрады.
Shield Pool – Zcash-тың негізгі функцияларының бірі. Бұл пайдаланушыларға ZEC-ті ашық мекенжайлардан shielded мекенжайларға ауыстыруға мүмкіндік береді. Мұндай тетік жоғары дәрежелі құпиялылықты қамтамасыз етеді.
Атап өту керек, Shield Pool-дағы ZEC мөлшері қараша айы бойы шамамен 4,8 млн деңгейінде тұрды. ZEC бағасы кей кезеңде 60%-ға жуық төмендегенмен, бұл тұрақтылық сақталды. Бұл деректер ZEC иелерінің ұзақмерзімді сенімін нығайтып, қысқа мерзімді тұрақсыздыққа назар аудармағанын көрсетеді.
Желтоқсан айында ZEC бағасы 70%-дан астам өсті. Осы уақыт аралығында Shield Pool-дар жаңа тарихи максимумды бағындырды. Мұндай оқиғалар инвесторлардың сенімін одан әрі күшейтті. Осындай жағдаят бұрынғы BitMEX бас директоры және белгілі инвестор Артур Хейстің ZEC бойынша бұқа болжамын жариялауына себеп болуы ықтимал.
«Аюлардың көз жасы – мен үшін қорек болады. ZEC бірінші аялдама — 1 000 долларға». – деп атап өтті Артур Хейс өз мәлімдемесінде.
Осы тарихтағы максимумға жету Zcash-қа деген сұраныстың артып келе жатқанын нақтылайды және жалпы капиталдың құпиялылық пен қауіпсіздікке басымдық беретін цифрлық активтерге бағытталып жатқанын білдіреді.
Grayscale құпиялылыққа мән беретін алты альткоинды атап өтті
Grayscale-дің 2025 жылдың төртінші тоқсанына арналған есебі Zcash позициясын одан әрі күшейтті. Grayscale — әлемдегі ең ірі криптовалютаға инвестиция салатын компаниялардың бірі.
Есепте тоқсанды жоғары өсу кезеңінен кейінгі консолидaция кезеңі деп сипаттады. Алайда құпиялылыққа бағытталған коин сегментінің нәтижелері ерекшеленді.
Grayscale алты құпиялылыққа басымдық берген альткоинді ерекше бөліп көрсетті. Zcash тек құпиялылық сегментінде ғана емес, жалпы Grayscale бақылайтын Top 20 тізімінде көш бастады.
«Төртінші тоқсан қорытындысы бойынша Top 20 нәтижелі активтер қатарына құпиялылыққа қатысты бірнеше токен енді, олардың қатарында Zcash (ZEC), Monero (XMR), Dash (DASH), Decred (DCR), Basic Attention Token (BAT), және Beldex (BDX) бар», – деп жазды Grayscale өз есебінде.
BeInCrypto жариялаған соңғы есеп те XMR-дың ZEC-ке қарағанда он-чейн қолданыста жоғары нәтиже көрсеткенін анықтады. XMR мен ZEC-дегі өсімді өткізіп алған инвесторлар DASH, DCR, және BAT секілді аз капиталдандырылған құпиялылық коиндерін қарастыруы ықтимал.
Grayscale атап көрсеткендей, институционалдық қызығушылық жеке өмірді барынша қорғайтын активтерге ауысып келеді. Деректердің таралуына байланысты туындайтын жанжалдар жиілеп жатқанда, бұл үрдіс күшейе түсті.
Есепте құпиялылық монеталары сегментінің 2026 жылы да белсенді дамитыны болжанған. Орталықтандырылмаған қаржы мен Web3 қосымшаларымен интеграция осы өсімге серпін береді деп күтіледі.
