Үндістанның Қаржылық барлау басқармасы (FIU) криптовалюта платформалары үшін сәйкестіктің қатаң талаптарын енгізіп, ел бойынша қолданушылардың жеке басын растауды айтарлықтай күшейтті.
Жаңа ережелерге сәйкес, реттелетін крипто биржалар onboarding кезінде қолданушыларды тірі селфи арқылы аутентификация жасап, географиялық орналасу мәліметтерімен растауы керек.
Үндістанның жетілдірілген тексеру стандарттары дипфейктер мен статикалық суреттерге бағытталған
FIU-дың соңғы талаптары қолданушыны растайтын құжаттарды тексерумен ғана шектелмей, бұдан әріге өтеді. Биржалар динамикалық қозғалыстарды, мысалы, көз қаққанды не басты бұрғанды талап ететін тірі селфи арқылы растауды қолдануы керек. Бұл қадам статикалық суреттер не дипфейк шабуылдар арқылы жеке бас бақылауын айналып өтуге тосқауыл ретінде енгізілді.
Times of India басылымының мәліметінше, платформалар тіркелу кезінде ендік, бойлық, күн, уақыт белгісі мен IP мекенжай деректерін жинауы керек.
«RE (крипто биржа) onboarding кезінде ұсынылатын дербестендіру деректері нақты қолданбаға кіріп, есепшот құру үрдісін өзі бастайтын қолданушыға тиесілі болуы тиіс», – делінген нұсқаулықта.
Талаптар құжаттарды ұсыну жағын да кеңейтеді. Тұрақты есепшот нөміріне (PAN) қоса, қолданушылар қосымша жеке басты куәландыратын құжат ұсынуы керек. Оған паспорт, Үндістан үкіметі беретін 12 таңбалы Aadhaar карта не сайлаушы куәлігі кіруі мүмкін.
Сонымен қатар, электрондық пошта мекенжайы мен мобильді нөмір бір реттік құпиясөз (OTP) арқылы тексеріледі. Penny-drop әдісі – банк арқылы 1 рупия мөлшерінде, әдетте қайтарылатын, аударым жасау – енгізілген есепшоттың қолданушыға тиесілі екенін қосымша дәлелдейді.
Ерекше атап өту қажет, жоғары тәуекел санатына енген қолданушыларға FIU жаңа талаптары күшейтілген және жиі тексерістер қарастырады. Бұл, салық айлақтары, Қаржы мониторингі тобы (FATF) сұр не қара тізімдегі өңірлерге қатысы бар адамдарды, саяси ықпалды тұлғаларды (PEP) не коммерциялық емес ұйымдарды қамтиды.
Дәлірек айтқанда, мұндай қолданушылардың KYC деректері әр алты ай сайын жаңартылады, ал стандартты қолданушылар үшін ол жыл сайын желеткізіледі. Биржаларға жетілдірілген due diligence жүргізу міндеттеледі.
Онбордингтен бөлек, FIU анонимдік деңгейін арттыратын құралдарға (миксерлер/тумблер мен ұқсас өнімдер) қатысты қатаң ұстаным қабылдайды. Сонымен бірге, нұсқаулық ICO мен ITO-ға қатысып, инвестициялаудан қатты бой тартуға шақырады.
Реттеушінің айтуынша, мұндай қызметтер ақшаны жылыстату және терроризмді қаржыландыру тұрғысынан «аса күрделі және жоғары» тәуекел алып келеді. Олар айқын негізделген экономикалық себепсіз жүзеге асады деп саналады.
Қатаң салық режимі пайдаланушыларды оффшорлық платформаларға бағыттайды
Қатаң бақылаудан бөлек, Үндістан крипто пайдасына біркелкі 30%-дық салық салады. Әрбір мәміле бойынша 1%-дық салық (TDS) автоматты түрде ұсталады. Сарапшылар мұндай салық саясаты «кері әсер етіп жатыр» деп есептейді, өйткені ол ел ішіндегі сауда белсенділігін тежейді әрі қолданушыларды шетелдік платформаларға көшуге итермелейді.
«Бір сөйлеммен қорытсақ – салада салық талаптары барлық қатысушылар үшін біркелкі орындалмағандықтан, қолданушылар мен өтімділіктің шетелдік платформаларға жаппай ауысуына әкелді», – делінген есепте.
Есептің бағалауы бойынша, үнді қолданушылары 2024 жылдың қазанынан 2025 жылдың қазанына дейін шетелдік биржаларда шамамен ₹4 87 799 крор сауда көлемін қалыптастырды. Бұл шамамен 54,1 млрд долларға тең.
Салыстырғанда, алдыңғы жылы үнді азаматтарына тиесілі шетелдік сауда көлемі ₹2 63 406 крор (29,2 млрд доллар) болған. Яғни жылы бойынша өсім 85%-ға құрап отыр.
Есепте қазіргі кезде үнді крипто саудасының 91,5%-ы шетелдік платформаларда, ал тек 8,5%-ы ресми тіркелген жергілікті биржаларда жүретіні аталды.
«2024 жылдың қазан айынан бастап жиналмаған TDS – ₹4 877 крор. Енгізілген күннен есептесек, бұл сома ₹11 000 крорға дейін жетеді, – деп жазды сарапшылар. – Капиталдың кетуі мен салық жинақтау бойынша үкімет шығынын ескерсек, тек 30%-дық салық енгізілгеннен бері бюджет кірісінің шамамен ₹36 000 крор шығынына алып келді деп болжап отырмыз».
Өсіп жатқан сәйкестік талаптары мен қатаң салықтың енгізілуі Үнді крипто индустриясы үшін айтарлықтай проблемаға айналды. Жаңа KYC ережелері ашықтыққа әрі қылмыстың алдын алуға бағытталғанымен, жоғары салық ставкалары қолданушыларды шет мемлекеттерге көшуге итермелеуде, яғни елдің кірісі төмендейді. Қадағалау мен ішкі белсенділіктің арақатынасы әлі анық емес болып отыр, ал крипто нарығы маңызды шешім кезеңінде тұр.
