Биткоин жат, түсініксіз криптовалюта болып көрінуі мүмкін. Дегенмен, биткоинді онлайн сатып алу соншалықты қиын емес, оны дебеттік немесе кредиттік картамен бірден сатып ала алуға да болады. Осы нұсқаулықта біз кредиттік картамен биткоинді қалай және қайдан сатып алуға болатынын қарастырамыз.
НЕГІЗГІ ТҰЖЫРЫМДАМАЛАР
► Кредиттік картамен биткоин сатып алу үшін, биржа қолданбасын жүктеп алып, төлем әдістеріне кредиттік картаны қосып, тапсырысыңызды аяқтаңыз.
► Сіз Paybis және Coinbase сияқты биржаларда кредиттік картамен биткоин сатып ала аласыз.
► Биткоин – алғашқы криптовалюта, оны Сатоши Накамото деген атпен белгілі анонимді тұлға немесе топ жасаған.
► Кредиттік картамен биткоин сатып алғысы келетін пайдаланушылар комиссияларды ескеріп, BTC-ді қауіпсіз әмиянда сақтауы керек.
Кредиттік картамен биткоинді қалай сатып алуға болады?
Жалпы, биржаға тіркеліп, биткоинді тез сатып алу үшін кредиттік немесе дебеттік картаңыздың мәліметтерін енгізуді көздеген жөн. Содан кейін қалағаныңызша биткоин сатып ала аласыз. Бар болғаны биржаға тіркеліп, тиісті тексеруден өтіп, қалаған төлем әдісіңізбен сатып алғыңыз келетін биткоин мөлшерін таңдауыңыз керек. Біз мысалымызда Coinbase қолдабнасын пайдаланамыз.
1. Қолданба дүкеніңізден Coinbase мобильді қолданбасын жүктеп алыңыз.
2. Басты бетте Биткоинді іздеп, басыңыз.
3. Егер сізде әлі мақұлданған кредиттік карта болмаса, жалғастыру үшін «Төлем әдісін қосуды» таңдаңыз.
4. Төлем әдісі ретінде кредиттік картаны қосу үшін «Дебеттік картаны» таңдаңыз.
5. Жалғастыру үшін кредиттік картаңыздың мәліметтерін енгізіңіз.
6. Кредиттік картаңызды қосқаннан кейін, онымен биткоин сатып алу үшін «Қазір сатып алуды» таңдаңыз.
Кейбір кредиттік карталар компаниялары крипто сатып алуларын қолма-қол аванс ретінде қарастыруы мүмкін екенін ескерген жөн. Бұл үшін қосымша комиссиялар алынуы мүмкін.
Биткоин (BTC) деген не?
Биткоин – ең алғашқы криптовалюта. Сатоши Накамото лақап атын жамылған анонимді тұлға немесе топ сол кездегі қаржылық орта мен ақша жүйесіне балама ретінде биткоинді жасап шығарып, биткоиннің генезис блогына мынадай хабарламаны енгізген:
The Times 03/Jan/2009 Chancellor on brink of second bailout for banks.
Сатоши Накамото
Бұл хабарлама 3 қаңтар, 2009 жылғы The Times газетінің мақаласының тақырыбына сілтеме жасайды, онда Ұлы қаржылық дағдарыс (GFC) және ықтимал үкіметтік көмек көрсету туралы баяндалған. Сатоши мұны дәстүрлі қаржылық жүйенің тұрақсыздығына пікір ретінде енгізген деген сенім бар.
Биткоин пайда болған кезден бастап қазіргі заманның ең табысты активіне айналды. Ол жүйелі түрде бүкіл криптовалюта нарығының жалпы капитализациясының шамамен 50%-ын иеленіп тұрады және әдетте ең қымбат криптовалюта болып саналады.
Биткоинды онлайн кредиттік картамен қайдан сатып алуға болады?
Бүгінде көптеген криптовалюта биржаларында дебеттік немесе несиелік картаны енгізіп, Биткоин сатып алуға болады. Бұл тізімде дәл осыны жасауға болатын ең үздік платформалар берілген.
1. Paybis
Paybis – дебеттік немесе кредиттік картамен биткоин сатып алуға мүмкіндік беретін криптовалюта биржасы. АҚШ-тағы Қаржы министрлігінің FinCEN департаментінде тіркелген платформа және әлемнің 180-нен астам елде қолдау көрсетіледі.
Сіздің алғашқы сатып алуыңыз мүлдем тегін және транзакциялық комиссия алынбайды. Кейін әрбір сатып алу үшін 2,49% комиссия алынады. Сондай-ақ, төлемді өңдеу комиссиясы бар, ол 10 доллардан кем болмауы керек. Әйтпесе, Paybis әрбір транзакция үшін USD, EUR және GBP арқылы 4,5% және басқа фиат үшін 6,5%-ға дейін алады.
2. Coinbase
Coinbase – Биткоинді онлайн сатып алудың тағы бір оңай жолы. Ол АҚШ-та орналасқан және Фред Эрсам мен Брайан Армстронг құрған. Бастау үшін басқа биржалардағыдай тіркелгі жасау қажет. Алайда Coinbase белгілі бір «тұтынушыны таны» (KYC) саясаттарын ұстанады, сондықтан фотосуреті бар жеке куәлігіңізді растауыңызды сұрайды. Бұл рәсім аяқталғаннан кейін дебеттік карта арқылы Биткоинді бірден сатып алуға болады. Ірі сатып алулар үшін Coinbase банк шотыңызды енгізуді талап етеді, ал дебеттік карта негізінен шағын сатып алуларға арналғанын ескерген жөн.
Жоғарыда аталған биржалар бірнеше факторларға негізделіп таңдалған. Платформаның түрі маңызды рөл атқарды, өйткені әрбір пайдаланушының жағдайы әртүрлі болып, белгілі бір платформа мүмкіндіктерін қажет етуі мүмкін. Сондай-ақ қолжетімділік пен комиссия мөлшері де биржаларды таңдауда шешуші факторлар болды.
Кредиттік картамен биткоин сатып алуға арналған платформаларды салыстыру
| Платформа | Сипаттамасы | Қолдау көрсетілетін елдер | Комиссиялар | Мин. сатып алу |
|---|---|---|---|---|
| Paybis | Ақша қызметі бизнесі | 180+ | 2,49%-6,5% | 4 доллар |
| Coinbase | Брокерлік | 100+ | 0,99-4,19 доллар | Әртүрлі |
Неге биткоинды кредиттік картамен сатып алған жөн?
Биткоинды кредиттік картамен сатып алу бәріне бірдей ұсынылмайды. Кейбір криптовалюта жанкүйерлері анонимді болып қалғысы келеді, ал екінші жағынан, кредиттік карта арқылы Биткоин сатып алу – оны жедел сатып алудың санаулы жолдарының бірі.
Өйткені банк шотын байланыстыру бірнеше күнге созылуы мүмкін, ал картаны байланыстыру бірден жүзеге асады. Сонымен қатар, банк шоты арқылы сатып алу тексеру мен өңдеу кезеңдерімен қосылып, ұзақ уақыт талап етуі мүмкін.
Алайда кез келген биржаға жеке ақпаратты сеніп тапсыра беруге болмайды. Кейбір платформалар кредиттік карта деректерін ұрлау үшін жасалған алаяқ сайттар болуы мүмкін, сондықтан тіркелетін жерге мұқият болыңыз.
Көптеген биржалар карта арқылы сатып алу үшін жоғары комиссия алады, ал кейбірі картамен сатып алуға болатын Биткоин мөлшеріне шектеу қояды. Бұл, бір жағынан, кредиттік карта компаниялары төлемді кейін қайтарып ала алатындығына байланысты. Сол себепті биржалар көбіне банк аударымдарын немесе басқа төлем әдістерін жөн көреді.
Кредиттік картамен биткоин сатып алғаннан кейін не істеуім керек?
Жалпы, биткоинды сатып алғаннан кейін оны биржада сақтамаған жөн. Оның орнына, криптовалютаны аппараттық немесе десктоптық әмиянға көшірген дұрыс. Осылайша, егер биржа хакерлік шабуылға ұшыраса, сіздің биткоиныңыз ұрлықтан қорғалаған болады. Биткоинды сақтауға арналған кейбір әмиян ұсыныстары төменде берілген.
Аппараттық әмиян
Аппараттық әмиян – бұл Ledger немесе Trezor секілді сыртқы құрылғы, ол Биткоинды интернетке қосылмайтын құрылғыда офлайн сақтайды. Оны қосымша қауіпсіздігі бар сыртқы қатқыл диск ретінде қарастыруға болады.
Мысалы, мұндай әмияндарда тек екі түйме ғана болады, сол арқылы транзакцияларға келісім беріледі, бұл пайдаланушының байқаусызда растау жасауын қиындатады. Көптеген аппараттық әмияндардың өздерінің операциялық жүйесі болады, бұл оларды бұзудан қорғайды. Сонымен қатар, қалпына келтіру үшін қағаз парақша беріледі, оған әмиян кілттері жазылады.
Десктоптық әмиян
Десктоптық әмиян – бұл компьютерге жүктеп алуға болатын әмиян, ол құпиясөз немесе басқа да қауіпсіздік шараларымен қорғалады. Сіз Биткоинды биржадан сатып алғаннан кейін, оны осы әмиянға оның жария кілті арқылы жібересіз. Бұл жағдайда, Биткоин интернеттегі биржада емес, сіздің жеке компьютеріңізде қауіпсіз түрде сақталады.
Қағаз әмиян
Қағаз әмиян – сирек қолданылатын әдістердің бірі болғанымен, Биткоинды сақтаудың ең қауіпсіз жолы. Бұл әмиян – QR коды бар жай қағаз, онда сіздің әмиян кілтіңіз болады. Әмиянға қол жеткізу үшін, мобильді құрылғыдағы QR сканер арқылы осы кодты оқу қажет.
Сол арқылы сақталған активтермен транзакция жасауға болады. Қағаз әмиян бұзылуға мүлде келмейтіндіктен, ең қауіпсіз әдіс болып саналады. Алайда бұл қағазды жоғалтып алу немесе жыртып алу қаупі бар. Сондықтан бұл әдісті тек қағаздың сақтығын қамтамасыз ете алатындар ғана қолдануы керек.
Мен Биткоинды тек онлайн сатып ала аламын ба?
Биткоинды кредиттік картамен немесе онсыз сатып алудың бірнеше жолы бар. Биткоинды офлайн сатып алудың ең оңай жолы – биткойн банкоматы арқылы.
Биткоин банкоматтары дүние жүзіндегі түрлі орындарда орнатылған және пайдаланушыларға Биткоинды дебеттік картамен немесе қолма-қол ақшамен сатып алуға мүмкіндік береді. Кей жағдайларда, мұндай банкоматты қолдану үшін тіркелгі қажет болуы мүмкін, ал кейде тіркелусіз-ақ қалаған әдіспен сатып алуға болады.
Кредит картасымен биткоин сатып алғанда қауіпсіздікті сақтаңыз
Егер сіз тек кредиттік картамен BTC сатып алғыңыз келсе, мұндай мүмкіндік беретін көптеген алаңдар бар. Алайда, кредиттік картамен криптовалюта сатып алғысы келетіндер қосымша шығындар болатынын ескеруі керек. Сонымен қатар, сатып алған Биткоиныңызды қауіпсіз, кастодиан емес әмиянға сақтау ұсынылады. Кез келген қаржылық активке инвестициялау қауіпті, және сіз қаржыңызды жоғалтып алуыңыз мүмкін екендігін ескерген жөн.
Жиі қойылатын сұрақтар
Биткоинды кредиттік картамен қайдан сатып алуға болады?
Биржалар кредиттік картамен сатып алу үшін комиссия ала ма?
Аппараттық әмиян дегеніміз не?
Биткоинды офлайн сатып алуға бола ма?
Жауапкершіліктен бас тарту
Біздің веб-сайттағы барлық ақпарат адал ниетпен және тек жалпы ақпарат беру мақсатында жарияланады. Біздің веб-сайттағы ақпаратқа сүйеніп қабылданған кез келген шешімге оқырманның өзі жауапты болады.
