Егер сіз OFFICIAL TRUMP немесе $TRUMP Coin трендке айналғанын көріп, оның не екенін білгіңіз келсе, негізгі ақпарат осында берілген. Solana блокчейніне негізделген бұл криптовалюта мем мәдениетін Трамптың брендтеуімен біріктіреді. Ол шынымен де хайпқа лайық па? Бұл нұсқаулық сізге қажет барлық мәліметтерді қамтиды.
НЕГІЗГІ ТҰЖЫРЫМДАМАЛАР
➤ $TRUMP Coin жай ғана кезекті мемкоин емес — ол тікелей Дональд Трамппен байланысты болғандықтан, ресми саяси брендтеуді криптовалютамен ерекше түрде ұштастырады.
➤ Ашық вестинг кестесі мен үш жыл бойы күнделікті бұғаттаудан шығатын токендер арқылы $TRUMP Coin нарық тұрақтылығы мен өсімін теңестіруге тырысады.
➤ Болашақ инвесторлар мемкоиндердің айтарлықтай құбылмалы екенін және пайдаға кепілдік берілмейтінін ескеруі керек.
$TRUMP Coin дегеніміз не?
$TRUMP Coin – мем мәдениетін Трамптың әйгілі брендтеуімен біріктіру мақсатында іске қосылған криптовалюта. Бұл цифрлық токен Трамптан шабыт алған, қауымдастық басқаратын қозғалысты білдіретінін мәлімдейді.
Сіз білесіз бе? Бұл Трамппен байланысты алғашқы криптовалюта емес. 2016 жылы үшінші тарап тобы Дональд Трампқа ешқандай қатысы жоқ TrumpCoin (DTC) атты криптовалютаны іске қосқан. Ол Трамптың сайлауалды науқанын қолдайтынын мәлімдегенімен, бұрынғы президент бұл жобаны ашық түрде жоққа шығарып, оны ресми мақұлдамайтынын айтты.
Бұл жолы $TRUMP Coin Трамптың ресми қолдауына ие болып, оның есімі және мұрасымен байланысты алғашқы шынайы криптовалютаға айналды.
$TRUMP Coin-ның мақсаты қандай?
$TRUMP Coin бастамасы саяси болмысты крипто мәдениетімен ұштастырып, «жеңіс» пен «күш» құндылықтарын бейнелейтін қауымдастық басқаратын активті құруды көздейді. Бұл криптовалюта Дональд Трамптың инаугурациясына бірнеше күн қалғанда іске қосылып, оның жақтастары арасында осы идеалдарды дәріптеудің бір құралы ретінде ұсынылды.
Бұл жоба Трамптың цифрлық активтерге деген көзқарасының өзгергенін көрсетеді. Бұрын ол криптовалюталарды «алаяқтық» деп сынаған еді. Алайда, 2024 жылғы сайлауалды науқаны кезінде Трамп цифрлық активтерді қолдап, Bitcoin резервін құру және криптоға бейім қаржы реттеушілерін тағайындау жоспарын жариялады.
$TRUMP-тың басты мақсаттары:
- Қолдаушыларды тарту
- Криптовалютаны жаппай қолданысқа енгізуді қолдау
- Брендті нығайту
$TRUMP Coin – сандық коллекциялық актив қана емес, сонымен қатар саяси қолдауды білдіретін құрал. Бұл токен жаңа президенттің саяси болмысын токенизация және цифрлық экономикамен ұштастыратын стратегиялық қадам ретінде қарастырылады.
$TRUMP алаяқтық па, әлде шынайы жоба ма?
$TRUMP Coin-ның іске қосылуы әртүрлі пікір туғызды. Біреулер оны бренд пен криптовалютаның сәтті үйлесімі деп санаса, енді біреулер оның мақсаты мен ашықтығына күмәнмен қарайды.
Біз токеномиканы мұқият зерттеп, вестинг кестелерін талдап, Solana блокчейніндегі келісімшарт мекенжайын қарап шықтық. Енді нақты көріністі ұсыну үшін негізгі деректерді қарастырайық.
Токендерді бөлу: Таратылымдарға шолу
- Қоғамдық үлестіру (10%): Іске қосу кезінде 100 миллион токен ерте кезеңдегі пайдаланушыларға қолжетімді болды.
- Өтімділік пулы (10%): Тағы 100 миллион токен сауданың үздіксіз жүруін қамтамасыз ететін өтімділік үшін бөлінді.
- Ішкі иеленушілер (80%): Қалған 800 миллион токен Трамппен байланысты CIC Digital LLC және Fight Fight Fight LLC сияқты ұйымдардың бақылауында.
Оң жақтары:
- Өтімділікті қамтамасыз ету: Жеткізілімнің 10%-ын бөлу нарық тұрақтылығын сақтап, белсенді сауданы қолдайды.
- Қауымдастықтың қолжетімділігі: Қоғамдық таратуға бөлінген 10% пайдаланушыларға ерте кезеңде қатысуға мүмкіндік береді.
Алаңдаушылық тудыратын жақтары:
- Ішкі иеленушілердің жоғары үлесі: Токендердің 80%-ының инсайдерлердің қолында болуы орталықтандырылу қаупін тудырады. Бұл жағдай орталықтандырылмаған активтерді іздейтін инвесторларды шеттетіп, токендерді жаппай сатудың (дэмпинг) ықтималдығын арттыруы мүмкін.
Вестинг кестелері: Токендердің бұғаттан шығуы
Ішкі иеленушілерге тиесілі токендер құрылымдалған вестинг процесіне бағынады.
Бұғаттау кезеңдері төмендегідей берілген:
- 1-топ (360 млн токендер): 3 айға құлыпталады, бастапқыда 10% ашылады
- 2-топ (180 млн токендер): 6 айға құлыпталады, бастапқыда 25% ашылады.
- 3-топ (180 млн токендер): 12 айға құлыпталады, бастапқыда 25% ашылады.
Босату механизмі: Құлыптау кезеңі аяқталған соң, қалған токендер 24 ай бойы күн сайын шығарылатын болады.
Оң аспектілер:
- Нарықты асыра толтырудан сақтайды: Токендердің кезең-кезеңмен шығарылуы бағаның күрт құлдырау қаупін азайтады.
- Ұзақ мерзімді үйлесім: 3 жылдық жоспар Трамптың саяси мерзімімен сәйкес келеді, бұл тұрақты қатысуды ынталандыруы мүмкін.
Ықтимал мәселелер / Қауіптер:
- Ерте бұғаттан босату: Бастапқы босатлыған токендер (10%-25%) жаппай сатылған жағдайда баға құбылмалылығын тудыруы мүмкін.
- Қоғамдық инвесторлар үшін құнның төмендеуі: Уақыт өте келе ішкі иеленушілердің токендерінің шығарылуы ерте кірген инвесторлардың үлесін сұйылтуы мүмкін.
Шығару механизмі: Токен ұсынысын басқару
Токендер бастапқы ұсталу кезеңдерінен кейін 24 ай бойы күн сайын шығарылады, бұл нарыққа тұрақты және болжамды жеткізілім береді.
Оң аспектілер:
- Тұрақтылық: Токендердің баяу әрі жүйелі шығарылуы кенеттен ұсыныстың артып кетуін болдырмайды.
- Болжамдылық: Инвесторлар шығару кестесіне сүйене отырып, нарық белсенділігін алдын ала бағалай алады.
Алаңдаушылық тудыратын жақтары:
- Нарық сұранысына тәуелділік: Егер сұраныс токендердің шығарылу қарқынымен сәйкес келмесе, баға төмендеу қаупіне ұшырауы мүмкін.
Solana келісімшартын зерттеу және тексеру
Осыған дейін айтылғандай, $TRUMP Coin келісімшарты Solana блокчейнінде орналастырылған, ол жоғары жылдамдықтағы транзакциялар мен төмен комиссияларымен танымал. Келісімшарт мекенжайы ашық түрде қолжетімді: 6p6xgHyF7AeE6TZKSmFsko444wqoP15icUSqj2jfGiPN.
Біз SolScan арқылы келісімшартты зерттеп, жасырын функциялар немесе күмәнді әрекеттер байқамадық. Блокчейннің ашықтығы барлық транзакциялардың нақты уақыт режимінде тексерілуін қамтамасыз етеді.
Solana көптеген мемкоиндер үшін таңдаулы желі болғанымен, ол шамадан тыс жүктемеге ұшырауы мүмкін екенін ескерген жөн. $TRUMP және кейіннен $MELANIA іске қосылған кезде, желіде шамадан тыс белсенділік байқалып, желілік кептеліс пен кідірістерке әкеліп, Solana блокчейн зерттеушісінің жаңа транзакцияларды 2024 жылдың 19 қаңтарында кемінде 30 минут бойы көрсетпеді. SolScan платформасында кейбір қолданушылар дүрлікпе кезінде «500 Internal Server Error» қатесіне тап болғандарын хабарлады.
Біздің талдауымызға сәйкес, $TRUMP Coin құрылымдалған токеномикасы мен ашық блокчейн интеграциясы бар заңды криптовалюта болып көрінеді.
Алайда, инсайдерлік шоғырланудың жоғары деңгейі мен брендке тәуелділігі оны қауіпті және алыпсатарлық инвестицияға айналдырады. Вестинг және шығару механизмдері тұрақтылықты көрсеткенімен, әлеуетті инвесторлар нарықтық сұранысты, құнның сұйылу қаупін және монетаның Трамптың қоғамдық имиджіне күшті тәуелділігін ескеруі керек. Әдеттегідей, кез келген қаржылық шешім қабылдамас бұрын сақтық танытып, жеке зерттеу жүргізіңіз.
$TRUMP Coin-ның артықшылықтары мен кемшіліктері
Лық толған нарықта $TRUMP Coin саяси брендті, мем мәдениеті және құрылымдалған токеномиканы біріктіру арқылы өзіндік ерекше орнын тез қалыптастырды. Осы нұсқаулықта келтірілген артықшылықтар мен кемшіліктердің қысқаша шолуы төменде көрсетілген.
| Артықшылықтары | Кемшіліктері |
| Құрылымдалған токеномика | Инсайдерлік үлестің жоғары болуы (80%) орталықсыздандыруға қатысты сұрақтар тудырады. |
| Solana блокчейн интеграциясы | Монетаның табыстылығы Трамптың танымалдығы мен қоғамдық қабылдауына тығыз байланысты. |
| Қоғамдастықтың белсенді қатысуы | Мемкоин ретінде баға толқулары мен құбылмалылыққа қатты тәуелді. |
$TRUMP Coin бағасының динамикасы
Іске қосылған сәттен бастап $TRUMP Coin бағасы құбылмалы өзгерістер көрсетті. Оны кезеңдерге бөліп қарастырайық.
Іске қосылу және бастапқы өсім
$TRUMP Coin жаңадан сайланған президент Дональд Трамптың инаугурациясына бірнеше күн қалғанда пайда болды. Монета шамамен 10 доллар бағасымен дебют жасап, көп ұзамай айтарлықтай өсіп, тарихи максимумына – шамамен 72 долларға жетті.
Ескерту: 2025 жылғы 21 қаңтарға қарай баға төмендеді, ал оның қайта өсуі үшін сауда көлемінің артуы қажет.
Нарықтық капитализация және биржалардағы листингтер
Ең жоғары деңгейінде $TRUMP Coin нарықтық капитализациясы 14 миллиард доллардан асып, іске қосылғаннан кейін бірнеше сағат ішінде нарықтық капитализациясы бойынша үздік 20 криптовалюта қатарына кірді. Бұл монета бірнеше орталықтандырылған криптобиржаларда белсенді саудаланады, соның ішінде CoinEx платформасында TRUMP/USDT жұбы айтарлықтай сауда көлеміне ие.
$MELANIA монетасын қосылуы
$TRUMP Coin іске қосылғаннан кейін Мелания Трамп өзінің жеке криптовалютасы – $MELANIA Coin-ды ұсынды. Бұл монета қысқа мерзімде шамамен 2 миллиард доллар нарықтық капитализацияға жетті.
$MELANIA Coin-ның пайда болуы $TRUMP Coin бағасының уақытша төмендеуіне әкелді. Алайда, $TRUMP Coin тұрақтылық танытып, бір токеннің бағасы шамамен 50 доллар деңгейінде орнықты.
Айта кету керек, $TRUMP түрлі пікірлер тудырған, ал $MELANIA іске қосылғаннан кейін бұл талқылаулар одан әрі күшейді.
$TRUMP Coin-ның жалпы нарықтағы орны
Мәдени өзектілікті блокчейн технологиясымен үйлестіре отырып, $TRUMP Coin цифрлық активтердің қауымдастықтар мен қаржы жүйелерін бұрын-соңды болмаған тәсілдермен байланыстыра алатынын көрсетеді. Трамптың криптовалютаға деген ұстанымы алдыңғы президентпен салыстырғанда әлдеқайда шырайлы болуы мүмкін, сондықтан бұл жаңа мемкоинның нарықтағы көрсеткіштерін көпшілік жіті бақылайтын болады.
Жауапкершіліктен бас тарту: Бұл мақала тек ақпараттық мақсаттарға арналған және инвестициялық кеңес ретінде қарастырылмауы тиіс. Мемкоиндар – жоғары алыпсатарлық сипаттағы активтер. Ешқашан жоғалтуға дайын сомадан артық инвестиция салмаңыз және әрқашан мұқият зерттеу жүргізіңіз.
Жауапкершіліктен бас тарту
Біздің веб-сайттағы барлық ақпарат адал ниетпен және тек жалпы ақпарат беру мақсатында жарияланады. Біздің веб-сайттағы ақпаратқа сүйеніп қабылданған кез келген шешімге оқырманның өзі жауапты болады.
