Web3 саласындағы жұмыс орындарының болашағы қандай?

Блокчейн технологиясының дамуы жалғасып жатқандықтан, web3-тің пайда болуы бизнестің жұмыс істеу процесінде төңкеріс жасауға уәде береді. Дәстүрлi бизнес құрылымдарын бұзу мүмкiн болған жағдайда жұмыс орындарына және персоналды басқару рөлдерiне әсерi елеулi болуы мүмкiн. Бұл мақалада біз web3-тегі жұмыс орындарының болашағын зерттейміз, оған қоса web3 жұмыс күшін қалай өзгертіп, компаниялар мен қызметкерлерге пайда әкеле алатынын қарастырамыз.

Неліктен web3 жұмыс пен жұмысқа қабылдауды өзгертуі мүмкін?

Соңғы жылдары Web3 қызу талқыланып келеді, ал көптеген ірі технологиялық компаниялар мен жеке тұлғалар бұл салаға белсенді түрде қосылуда. Алайда, блокчейн қазіргі таңда компанияларды басқару мен олардың жұмыс істеу тәсіліне қалай әсер ете алады? Сонымен қатар, Web3 саласындағы жұмыс орындары біздің еңбек ету тәсілімізді қалай өзгертеді?

Web3 – өзегінде төңкерістік өзгерістерге негізделген ұғым, ол қазіргі орталықтандырылған және монополиялық бизнес құрылымдары мен экономикасына түбегейлі қарсы шығып, оларды өзгертуге уәде береді. Web3 – интернеттің орталықтандырылмаған түрі немесе қазіргі web2 жүйесінің жетілдірілген нұсқасы ретінде қарастырылады.

Web3 негізінде тұрған блокчейн – ашық әрі жария технология. Бұл ұғым өзіне әртүрлі криптовалюталарды, орталықтандырылмаған автономды ұйымдарды (DAO), орталықтандырылмаған қаржы жүйесін (DeFi), баламасыз токендерді (NFT) және смарт келісімшарттарды қамтиды.

Бұл жүйелер адамдар мен ұйымдардың бір-бірімен қалай әрекеттесетініне, қалай жұмыс істейтініне, жұмысқа қалай алынатынына, қалай ақы алатынына және қалай басқарылатынына қатысты жаңа, инновациялық тәсілді көрсетеді.

Интернет HR саласына не әкелді?

Web3 технологиялары жұмыспен қамту мен еңбек процесіне қалай әсер ететінін түсіну үшін алдымен ұйымдағы ең маңызды бағыттардың бірі – жұмыскерлерді басқару саласына интернеттің қалай ықпал еткенін қарастыру қажет.

Интернет біздің өміріміздің ажырамас бөлігіне айналғанына бірнеше онжылдық болды. Ол жұмысқа орналасу процесін едәуір жеңілдетті: электрондық пошта арқылы байланысу, жұмыс іздеу платформалары мен LinkedIn желісі арқылы үміткерлерді табу бүгінде қалыпты тәжірибеге айналды.

Алайда, бұл үдеріс әлі де болса дәстүрлі сипатта сақталған: бос жұмыс орнын іздеу, MS Word форматындағы түйіндемені жолдау, содан кейін рекрутинг бөлімі өтінішті қарап шығуы керек.

Мұндай жүйеде үміткердің осы жұмысқа лайық білімі мен дағдыларының бар-жоғын нақты анықтау қиын. Сонымен қатар, жалған біліктілікті немесе сертификаттың шынайылығын анықтау да оңай емес.

Blockchain Research Institute зерттеу институтының сарапшысы Эндрю Спенстің айтқандай, кейде «Гарвардта оқыдым» дегені – «Harvard Business Review-ды оқыдым» дегенді білдіруі мүмкін.

Оған қоса, Web3 салыстырмалы түрде жаңа сала болғандықтан, осы бағытта қажетті тәжірибе мен білімге ие мамандар саны аз. Бұл — білікті кадрлардың аздығы мен қолжетімді үміткерлер жайлы мәліметтің шектеулігі кадрларды тиімді іріктеу мүмкіндігін төмендетеді деген сөз.

Блокчейн технологиясы және web3-тің жұмыс орындарына әсері

Жаңа технологиялар өмірімізге әсер еткен сайын, оларды дұрыс қолдануды үйрену аса маңызды болып отыр. Web3 саласында бұл жасанды интеллект (ЖИ), смарт келісімшарттар, орталықтандырылмаған қосымшалар, блокчейн технологиясы мен метаверске қатысты, әрі бұлар жеке де, біріктірілген ұғымдар ретінде де қарастырылады, және бұл тек бастамасы ғана! Алайда бұл құралдар жұмыс күшін жақсартуға жаңа мүмкіндіктер аша алады. Әйтпесе, біз жаңа технологияларға ескі тәсілдерді қолдану қателігіне бой алдыруымыз мүмкін.

Басқаша айтқанда, бізде бұрынғы әдеттерімізді жаңа ортаға көшіру емес, еңбек ету тәсілімізді қайта ойластыру мүмкіндігі бар. Мысалы, «блокчейнді жалақы төлеу үшін қолдана аламын ба?» немесе «ЖИ үміткерлермен сұхбат жүргізе ала ма?» деген сұрақтар қоюдың орнына, бүкіл жұмыспен қамту құрылымын, қалай жалдайтынымызды, төлейтінімізді, марапаттайтынымызды және жұмыс істейтінімізді түбегейлі қайта қарастырған жөн.

Web3 дәстүрлі жұмыс моделімен салыстырғанда орталықтандырылма, дербестік және инклюзия негіздерін қалыптастырады. Біз интернетті демократияландыру уәдесінің бастапқы кезеңінде ғана тұрмыз, бірақ жаңа орталықтандырылмаған экожүйенің келбеті айқындала бастады. Жақын болашақта Web3 көптеген салаларда азық-түлік жеткізу тізбегінен бастап әуе кемелерін күтіп ұстау мен люкс тауарларына дейін кеңінен таралып, қолдану шегіне жететін болады.

Nike, Disney және Budweiser сияқты ірі брендтер Web3 саласына инвестиция салып, ауқымды жобалар құруда. Бұл компаниялар Web3-ке негізделген ұйымдар болмаса да, уақыт өте келе олардың барлық бөлімдері Web3 стратегияларын енгізетіні анық.

Web3 жұмыс орындары HR рөлдерін қалай өзгерте алады

Іс жүзінде Web3 саласында HR және жұмыс ұстанымдары қандай көрініс табады? Көптеген салалар бұл технологиялардың артықшылықтарын мойындап, енгізіп жатса да, жұмыскерлерді басқару саласы әлі де оларды толық қамти қойған жоқ. Дегенмен, блокчейн, криптовалюта және Web3 HR процесін бірнеше бағыт бойынша түбегейлі өзгерте алады, соның ішінде:

Үміткердің біліктілігін және тәжірибесін тексеру

Блокчейндегі цифрлық жеке деректер HR бөлімдеріне үміткерлердің өткен тәжірибесі мен біліктілігін тексеруге мүмкіндік береді. Бұл тәсіл ақпараттың дәлдігі мен шынайылығына сенімділік береді, ресурстардың артық жұмсалуын болдырмайды және барлық үміткерлерге әділ мүмкіндік ұсынады.

Жұмыс ортасының өзгеруі

Web3 саласындағы жұмыстар компанияларға толықтай қашықтан жұмыс істеу моделін қабылдауға мүмкіндік береді. Бұл еңбекке деген көзқарасты өзгертеді, компанияларға жаһандық таланттар базасына жол ашады, үстеме шығындарды азайтады және жұмыс күшіне икемділік пен қашықтан жұмыс істеу мүмкіндігін ұсынады.

Үздік мамандарға қол жеткізу және оларды ұстап қалу

Икемді қашықтан жұмыс форматы жоғары деңгейлі үміткерлерді тартады, өнімділікті арттырады және қызметкерлердің жұмыс пен жеке өмір арасындағы теңгерімін жақсартады. Мұндай құрылымды ұсынатын жұмыс орындары талантты мамандарды ұзақ уақыт ұстап қалу мүмкіндігін арттырады.

Жұмыс орындарындағы деректердің құпиялылығы

Блокчейн технологиясы арқылы бірегей цифрлық ID жасау арқылы компаниялар қызметкерлер жайлы тек қажетті ақпаратты, мысалы, дағдылары мен тәжірибесін ғана бөлісуіне мүмкіндік алады. Бұл деректердің қауіпсіздігін арттырады.

Қызметкерлерге қауіпсіз және жедел төлем жүргізу

Компаниялар автоматтандыруды енгізу арқылы жалақы төлеу үдерісін оңтайландыра алады, бұл жылдамдықты, ашықтықты және қауіпсіздікті арттырады. Сондай-ақ, бұл шешім қашықтан, басқа елдерде тұрып, жобалар бойынша жұмыс істейтін мамандарға төлем жасау кезінде туындайтын кедергілерді жоюға көмектеседі.

Бонус төлемдері мен шығындарды өтеу

Web3 қызметкерлерге марапаттарға қол жеткізуді оңтайландыра алады: негізгі қабілеттер үшін нақты анықталған бонус төлемдері мен белгілі бір тапсырмалар үшін сыйақыларды деректерге негізделген және сандық түрде есептеуге болады. Сондай-ақ, бұл жүйе дәстүрлі бонус төлемдеріндегі вестинг мерзімі мен салықтар мәселесін шешу үшін цифрлық активтерді ынталандыру құралы ретінде ұсынуға мүмкіндік береді.

Жұмыс күші дағдыларындағы алшақтықтар

Блокчейн мен цифрлық валюталарды пайдалану белгілі бір салаға қажет дағдылар бойынша салалық қауымдастықтар мен оқыту инфрақұрылымы арасындағы өзара түсіністік пен келісімді жеңілдетеді. Бұл өндіріс пен білім беру қажеттіліктерін бір-бірімен үйлестіріп, өзекті дағдылар туралы жаңартылған ақпаратпен бөлісуге жағдай жасайды.

Web3 технологиялары көптеген салаларда қолдануға жарамды. Бұл технологияларды даму кезеңінің ерте сатысында игеріп, бейімделген компаниялар шығындарды азайтудан бастап үздік мамандарды тарту мен ұстап қалуға дейін көптеген артықшылықтарға ие бола алады — тіпті компания Web3 саласында жұмыс істемесе де.

Жұмыс орындарының болашағы орталықтандырылмаған

Web3 саласындағы жұмыстардың болашағы зор. Өзіңізді де, командаңызды да бұл жаңа технологиямен таныстырып, оған жарқырауға мүмкіндік беріңіз. Бұл салада жұмыс істеп жатқан басқа компаниялардың не істеп жатқанын, бизнестерін қалай жүргізіп отырғанын және олардағы Web3 жұмыс форматы қандай екенін зерттеңіз. Осылайша, келесі буын жұмыстарына дайындалып, табысқа жетуге бір қадам ертерек аттай аласыз.

Жиі қойылатын сұрақтар