Жұмыс іздеудегі күйзелісті жеңу: Web3-те өркендеу нұсқаулығы

Web3 саласында жұмыс іздеу қызықты әрі қажытатын процесс болуы мүмкін. Блокчейн индустриясындағы жоғары бәсеке мен ерекше талаптар жұмыс іздеуден шаршауға жиі әкеледі. Бұл нұсқаулық Web3 саласына енгісі келетін жаңадан бастаушылар мен мамандарға қажетті дағдыларды меңгеруге көмектесуге бағытталған.

Жұмыс іздеу күйзелісіне не себеп болады?

Web3 саласында жұмыс іздеу өзіндік қиындықтарымен ерекшеленеді, өйткені бұл – технологиялық экожүйедегі әлі де қалыптасып жатқан жас индустрия. Ұзаққа созылған жұмыс іздеу процесі, блокчейн технологиясының күрделілігі немесе үнемі жаңалықтардан қалыс қалмау қажеттілігі сізді шаршатуы мүмкін.

Егер осындай web3 қиындықтары сізді қажытып, бұрын шабыт берген жұмыстан алшақтатып жатса, мұндай сезімдерді мойындап, құлшынысыңызды қайта ояту үшін әрекет ету маңызды.

Жұмыс іздеу күйзелісін жеңуге көмектесетін 5 қадам

Жоғары стресс деңгейі дофаминнің төмендеуіне және кортизолдың көтерілуіне әкелуі мүмкін, бұл ақыр соңында психикалық және физикалық денсаулыққа кері әсер етеді. Төменде берілген қадамдар сізде күйзелістен сақтануға көмектеседі:

1. Web3 контекстіндегі күйзелісті түсіну

Web3 саласында жұмыс іздеу өзіндік сынақтарға ие, сондықтан дұрыс басқарылмаса, тез арада күйзеліске әкелуі мүмкін. Бұл индустрия қарқынды инновацияларымен танымал, сондықтан үміткерлерге үнемі үйрену мен бейімделу қажет.

Блокчейн технологиясы мен криптовалюта нарығына қатысты арнайы білімге деген сұраныс жаңадан келгендер үшін қиындық тудыруы мүмкін. Сонымен қатар, блокчейн арқылы жалақы алу жүйесі бұл салада бұрын жұмыс істемегендерге қорқынышты көрінуі мүмкін.

Сонымен қатар, жұмыс орнына деген жоғары бәсекелестік пен саланың қарқынды өзгеруі жұмыс іздеуді қиындата түседі. Бұл күйзеліс факторларын анықтап, оларды мойынау – жұмыс іздеу процесінде мотивацияны сақтаудың және психикалық денсаулықты қорғаудың алғашқы қадамы. «Қайтала, қайтала және тағы да қайтала» дейітн әдіс табысқа жету үшін жиі қолданылады, бірақ үнемі жоқ деген жауапты есту рухыңызды түсіріп, босқа әуреленіп жатқандай сезім тудыруы мүмкін.

2. Қолжетімді мақсаттарды қою

Қолжетімді нақты мақсаттар қою және жұмыс іздеу процесін жүйелеу cізге тізгінді ұстау сезімін сақтап, прогресті байқауға көмектеседі. Әр позицияға сәйкес түйіндеме мен өтініш хатты бейімдеу сіздің бәсекелестеріңіздің арасында ерекшелену ықтималдығыңызды арттырады. Жұмыс іздеу кезінде айқын жоспар құрып, салқынқандылық және шынайы күтім қалыптастыру күйзелісті азайтып, қажуды болдырмауға көмектеседі.

3. Web3 қауымдастығымен белсенді байланыс орнатыңыз

Крипто қауымдастығымен белсенді қарым-қатынастың маңыздылығын асыра бағалау қиын. Онлайн форумдарға қатысу, виртуалды және офлайн кездесулерге бару, сондай-ақ Twitter немесе LinkedIn сияқты платформаларда көшбасшылармен байланыс орнату сізге баға жетпес білім алуға және соңғы трендтер мен өзгерістерден хабардар болуға мүмкіндік береді.

Сол сияқты, қауымдастық ішінде байланыс орнату көпшілікке жария етілмеген жұмыс мүмкіндіктерін ашуы мүмкін. Одан да маңыздысы – сала мамандарымен қарым-қатынас орнату сізге ұсыныстар мен жолдамалар алуға, сондай-ақ компаниялардың кадрлық қажеттіліктері туралы құнды ақпарат білуге көмектеседі.

«Крипто жобалары қауымдастық үшін хакатондар мен байқаулар ұйымдастыруды жиі тәжірибеге айналдырған. Осындай жарыстарға қатысу сізді басқа үміткерлерден ерекшелендіріп, армандаған жұмысыңызды алу мүмкіндігін арттырады.»

Елизавета Гринберг, BeInCrypto компаниясының жоба менеджері

4. Өзіңіздің әл-ауқатыңыз бен денсаулығыңызды бірінші орынға қойыңыз

Web3 саласында жұмыс іздеудің қиындықтары ең төзімді жандардың өзіне ауыр болуы мүмкін. Сондықтан күйзеліске ұшыраудың алдын алу үшін өз әл-ауқатыңызды бірінші орынға қою аса маңызды. Дене белсенділігін тұрақты түрде арттырып, web3-тен тыс хоббилермен айналысыңыз. Тіпті өз санаңызды тану әдістерін қолдану да стрессті басқаруға және тепе-теңдікті сақтауға көмектеседі.

Күн тәртібіңізде үзілістер жасауды ұмытпаңыз – бұл сіздің күшіңізді қалпына келтіріп, зейініңізді жақсартуға ықпал етеді. Шағын жетістіктерді атап өту және позитивті көзқарасты сақтау өте маңызды, себебі бұл сізді ынталандырып отырады. Жұмыс іздеу – спринт емес, марафон екенін ұмытпаңыз. Сондықтан өзіңіздің саулығыңызға қамқорлық жасау ұзақ мерзімді табысқа жетудің кепілі болады. Осыған байланысты BeInCrypto компаниясының HR менеджері үзіліс жасап, ой елегінен өткізудің маңыздылығы туралы өз пікірімен бөлісті.

«Web3 жұмыс нарығындағы мол мүмкіндіктерді игеру тек техникалық дағдыларды ғана емес, өз әл-ауқатыңызға деген қамқорлықты да талап етеді.

Стратегиялық үзілістер жасау, жұмыс іздеуде географиялық зерттеу және жұмысқа қатысты хабарландыруларды тиімді пайдалану арқылы біз күйзеліске түсіп кетуден сақтанып, web3 әлеміндегі шынайы әлеуетімізді аша аламыз.

Web3 жұмыс нарығында табысқа жету үшін тек дағдылар жеткіліксіз – әл-ауқатты сақтауға арналған стратегиялар қажет. Қысқа үзілістер, іздеу аймағын кеңейту және жұмысқа қатысты хабарландыруларды пайдалану – осы саладан өз орныңды табудың басты құралдары.».

Ракель Замбрано Браво, BeInCrypto компаниясының HR менеджері

5. Web3 саласындағы фриланс мүмкіндіктерін кеңейтіңіз

Көптеген адамдар үшін web3 саласында фриланспен айналысу – тәжірибе жинақтап, дағдыларды көрсетуге және тұрақты жұмыс іздеу барысында тұрақты табысқа қол жеткізуге мүмкіндік беретін икемді жол. Техникалық білімі бар мамандар үшін Gitcoin немесе Bounties Network сияқты платформаларда жобаларға қатысу блокчейн технологиясының нақты қолдану салаларымен танысуға және болашақ жұмыс берушілерге өз қабілеттерін дәлелдейтін портфолио құруға көмектеседі.

Сонымен қатар, фриланс индустрияның ішкі жұмыстарына тереңірек үңілуге мүмкіндік беріп, толық жұмыс күніне арналған рөлдерде өз орныңызды табуға көмектеседі. Бұл тәжірибе түйіндемеңізді күшейтіп қана қоймай, жұмыс іздеу кезінде қаржылық тұрақтылықты сақтауға және web3 қауымдастығымен байланыста болуға мүмкіндік береді.

Жұмыс іздеудегі күйзелісті игеру

Табандылық пен қажырлы еңбек түптің түбінде өз жемісін береді. Дегенмен, web3 саласында алғашқы (немесе жаңа) жұмысты табу, таңдаудың мол болуына қарамастан, қиындық тудыруы мүмкін. Болашақ қызметтерге мүмкіндігінше дайын болу үшін зерттеу жүргізіп, өз біліктілігіңізді арттырыңыз (егер ресми тәжірибеңіз болмаса, портфолио құрып, тегін кодтау курсын өтіңіз және т.б.). Бірақ ең бастысы – бұл күресте жалғыз емес екеніңізді есте ұстау.

Web3 сынды жас индустрияда бір орынға көптеген үміткер бәсекеге түседі. Қажырлы еңбек әрқашан нәтиже береді, бірақ жұмыс іздеудегі күйзелістің белгілерін танып, оларды дер кезінде анықтау да маңызды. Өзіңізге мейірімді болуды ұмытпаңыз және қажет болғанда үзіліс жасаңыз. Сәттілік тілейміз!

Жиі қойылатын сұрақтар