Оңтүстік Кореядағы ең ірі финтех платформасы Toss-тың операторы Viva Republica стейблкоиндарды әрі шығарып, әрі таратуға ниетті екенін жариялады. Бұл мәлімдеме елдің жақын арада қабылданатын стейблкоинға арналған жүйесіне дайындалып жатқан ірі корпорациялар қатарына тағы бір жетекші компанияны қосты.
Viva Republica-ның бұл қадамы — Оңтүстік Кореядағы ірі технология және қаржы компаниялары тарихи маңызы бар стейблкоин заңнамасының қарсаңында өз орындарын айқындау үшін бәсекеге түскен кезде жасалып отыр. Алайда бірнеше техникалық ақаулар, соның ішінде Toss-тағы қымбатқа түскен қателік, амбицияның іске асырудан озды ма деген күдікті арттыра түсті.
Жолды жаңартып, жаңа өнім қоспау
Viva Republica-ның атқарушы директоры Со Чан-хун 12 наурызда Сеулде өткен 2026 Blockchain Meetup Conference (BCMC) барысында жариялады. «Money 3.0: Toss-тың келесі дәуірі» тақырыбы аясында сөз сөйлеген Seo стейблкоиндарды компания үшін жаңа бизнес бағыты емес, қаржылық инфрақұрылымды жетілдіру деп сипаттады.
«Toss әрі стейблкоиндарды тарату, әрі шығару жүмыстарын жүзеге асырғысы келеді, — деді Seo. — Біз үшін желілік инфрақұрылым — осы бағыттағы негізгі элемент»
Мұндай бизнес-логика Toss-тың құрылу тарихымен үндеседі. Компания банктерді ығыстырып, комиссиясыз аударым арқылы жетекші орынға қол жеткізді. Стейблкоиндар ірі ауқымда дәл сол стратегияны қайталай алады — делдалдардың орнына он-чейн желілерді қолдана отырып, шығарылым мен трансшекаралық төлемдерден түсетін табысты арттырады.
Toss 30 млн қолданушысы бар екенін мәлімдеді және банкинг, құнды қағаздар, төлем бағытындағы интеграцияланған лицензияларға ие. Компанияның банк бағыты 2026 жылдың соңына дейін шамамен 500 000 төлем терминалын, ал 2027 жылы 700 000 құрылғыны іске қосуды жоспарлап отыр, сөйтіп стейблкоин негізіндегі есеп айырысуларды офлайн саудаға кеңейтуді көздейді.
Бастау сызығында адамдар көп жиналу
Toss жалғыз емес. Өткен аптада Нью-Йорк қор биржасында тіркелген электронды сауда алыбы Coupang-ның финтех бағыты саналатын Coupang Pay негізгі міндет ретінде стейблкоин шығару көрсетілген заңгерлік вакансияларды жариялады. Coupang өткен жылы шамамен 33 млрд доллар табыс тапты, ал стейблкоиндарды енгізу компанияға карта төлемдерінен және трансшекаралық аударым шығындарынан жылына 200 млн доллар үнемдеуге мүмкіндік береді.
Какао, оның мессенджерін Оңтүстік Корея халқының 95%-дан астамы қолданады, Kaia блокчейнында корея вонасына байланған стейблкоинды әзірлеуде. Ірі банктер: KB Kookmin, Shinhan және Hana да стейблкоинмен есеп айырысу бойынша пилоттық жобалар жүргізуде. Circle мен Tether секілді жаһандық ойыншылар өздерінің корейлік тауар белгілерін тіркеп, нарыққа енуге дайындалуда.
Заңнамалық негізі — Digital Asset Basic Act. Ол Кореяда стейблкоиндарға арналған алғашқы арнайы құқықтық жүйені енгізбек. Демократиялық партияның Цифрлық активтер бойынша жұмыс тобы заң жобасын осы айда ұсынуды жоспарлаған, алайда Ирандағы соғыс саясат күн тәртібінде бірінші орынға шыққандықтан, Қаржы қызметін реттеу комиссиясымен келіссөздер белгісіз мерзімге шегерілді. Өзекті сұрақтардың бірі — биржа иелігіне қойылатын лимиттер — қолданыстағы жобада жеке акционерлер үшін 20%-дық шектеу сақталады, ал корпорациялар үшін 34%-дық ерекшелік қарастырылған, әрі Оңтүстік Корея Банкінің стейблкоин шығарушыларының 51%-ын банкке бақылау бастамасы финалдық мәтінде сақатала ма, жоқ па, әзірге белгісіз.
Сенім тапшылығы жарысқа көлеңке түсіріп тұр
Технология мен қаржы платформаларына деген сенім күрт төмендеген кезеңде мұндай амбициялар алға шығып отыр.
10 наурыз күні — BCMC конференциясынан небәрі екі күн бұрын — Toss Bank қосымшасы жапон иенасының айырбас бағамын шынайы құнынан шамамен екі есе төмен қате көрсетті. Бұл ақау жеті минутқа созылып, жалпы сомасы шамамен 19,4 млн долларды құрайтын мәмілелерге себеп болды, ал банктің шығыны 6,9 млн долларға жеткен. Автоматты айырбастау функциясы шығынды ұлғайтты. Елдің Қаржы бақылау агенттігі оқиғаға байланысты орнында тексеру бастады.
Бұл оқиға Toss-тың Nasdaq-та жария түрде орналастыруға дайындалып жатқанына байланысты аса ыңғайсыз уақытқа дөп келді. Инвестициялық банкинг өкілдері жергілікті БАҚ-қа оқиғадан соң компанияның технологиялық сенімділігіне баға қайта қаралатынын айтты, ал сенімді инфрақұрылым ретінде өздерін көрсету Toss үшін басты ұрандардың бірі болатын.
Coupang-та да өзіндік қиындықтар бар. 2025 жылдың соңында жария болған деректердің қауіпсіздік бұзылуы 33,7 млн пайдаланушының дербес ақпаратын жария етті — бұл Оңтүстік Корея халқының үштен екісіне жуық көрсеткіш. Оқиға салдарынан компания бас директоры қызметінен кетті, 1,17 млрд долларлық өтемақы жоспары жасалды, полиция тінту жүргізді және реттеушілер әлі де тергеу амалдарын жалғастыруда. Компания енді стейблкоиндарға арналған заңгерлік команда жасақтауға кірісті, алайда оқиғаның салдарын да реттеуде.
Кореядағы крипто-негізделген операторлар да өз беделіне қатысты сынға ұшырап келеді. 2025 жылғы Upbit-ке жасалған хакерлік шабуыл мен Bithumb-тың қате 2 000 BTC төлем жасауы ел ішіндегі цифрлық актив операторларына сенімнің әлсіреуіне ықпал етті.
Toss үшін негізгі мәселе — мақсат пен істің арақатысы. Егер жеті минуттық валюталық ақау миллиардтаған вон шығын әкелсе, стейблкоин инфрақұрылымында (онда аса жоғары операциялық стандарттар талап етіледі) тәуекел арта түседі.
