Ripple зерттеу тобы XRP Ledger (XRPL) үшін транзакциялар құпиялығын қосу туралы мақала жариялады.
Мақалада көп мақсатты токендер үшін құпиялы транзакциялар (Confidential MPTs) ұсынылады. Мақсат – эмитенттерге қатысы бар тоңазыту мен қайтарып алу мүмкіндіктері сынды басқару функцияларын енгізіп, институционалды және реттелетін қолдану сценарийлерін іске асыру.
Соңғы жаңалықтардан дер кезінде хабардар болу үшін X желісінде бізге жазылыңыз
Мақаланың авторлары – Мурат Дженк, Анчал Малхотра және Джозеф Айо Акинеле. Confidential MPTs – 2025 жылғы қазан айында XRPL негізгі желісінде іске қосылған XLS-33 токен стандартының криптографиялық кеңейтілген нұсқасы болмақ.
Протокол әр есеп жазбасындағы айқын қалдықтардың орнына EC-ElGamal шифртекстін қолданады. Сонымен қатар, валидаторлар тарапынан шифрын ашуды қажет етпей-ақ, аударымның дұрыстығы мен жеткіліктігі он-чейн нөлдік білімге негізделген өзара әрекеттеспейтін дәлелдемелермен қамтамасыз етіледі.
Осы ретте, XRPL-дің шотқа негізделген моделін сақтау үшін жөнелтуші мен алушының тұлғалары көрініп тұрады.
«Реттеушілік және институционалдық талаптарды орындау үшін, Confidential MPTs бірнеше шифртексттік балансты көрсету және теңдік дәлелдемелерге негізделген он-чейн іріктемелі жария ету моделі арқылы криптографиялық аудит мүмкіндігін береді әрі қарапайым эмитент делдалды аудит үлгілерімен үйлесімді», – делінген түйіндемеде.
Мақаланың жариялану мерзімі он-чейн құпиялылыққа деген реттеушілік ықпалдардың өзгеруімен сәйкес келеді. Наурыз айының басында Конгреске жолданған соңғы есепте АҚШ Қаржы министрлігі цифрлық активтердің заңды қолданушылары жалпыға қолжетімді блокчейндерде транзакция жасай отырып, миксерлерге сүйенуін мойындады.
Ripple-дің құпиялылыққа арналған мақаласы компания XRPL-дің қауіпсіздік негізін де күшейтіп отырған кезде жарық көріп отыр. Жақында компания XRPL үшін ЖИ-ға негізделген қауіпсіздік стратегиясын таныстырды.
Басшылар мен журналистерден сараптамалық пікірлер алу үшін YouTube арнамызға жазылыңыз
