Ripple XRP Ledger экожүйесінде қаржыландыруды және қолдауды бөлу тетігін өзгертуде, орталықтандырылмаған үлестірілген модельге баяу көшу үдерісін бастады.
Аталған өзгерістер компания тарапынан 26 ақпан күні жарияланды. 2026 құрылысшылардың XRPL платформасында капиталға, тәлімгерлікке және техникалық қолдауға қол жеткізу тәсіліндегі өтпелі кезең болмақ.
2026 жылы Ripple қаржыландыру арналары кеңейтіп, XRP Ledger жаңа кезеңге аяқ басты
Жаңа жария блогында Ripple 2017 жылдан бері XRP Ledger экожүйесінде үлестірілген бастамаларға 550,0 млн доллардан астам қаржы бөлгенін, оған акция үлестері берілмейтін гранттар, құрылысшыларға арналған ынталандырулар, стратегиялық серіктестік пен өсу бағдарламалары кіретінін айтып өтті.
Компанияның айтуынша, 2026 жылы қаржыландыру құрылымын кеңейтіп, үлестірілген тәсілге өтуді көздеп отыр. Мақсат – құрылысшыларға қаржыландырудың бірнеше арнасын ұсыну.
«Экожүйе жетіліп келе жатқандықтан, басты назар қаржыландыруға қолжетімділікті кеңейтіп, құрылысшыларға өсуге бірнеше тәуелсіз әрі орталықтандырылмаған жол ұсынуға ауысты», – делінген блогта.
Бізді X-те оқыңыз, сонда соңғы жаңалықтарды жедел ала аласыз
Жоспар аясында ұйым 2026 жылға арналған бірнеше жаңа және кеңейтілген бастамаларды таныстырды.
XAO DAO – XRP Ledger үшін жасалған гибридті орталықтандырылмаған автономды ұйым (DAO). Бұл ұйым қатысушыларға қауымдастық гранттары, кері байланыс тетіктері және тікелей DAO ұсыныстары арқылы ресурстарды бірігіп басқаруға мүмкіндік береді. Бұған қоса, әзірлеушілер мен ерте сатыдағы жобаларды қаржыландыру процесін жылдам әрі кедергісіз етеді.
«Шешім қабылдау құқығы кең ауқымды мүдделі тараптарға берілетіндіктен, XAO DAO XRPL үшін анағұрлым төзімді әрі қауымдастық басқаратын басқару моделіне маңызды қадам», – деп атап өтті компания.
XRPL Commons – тәуелсіз ұйым және ол құрылысшыларды GLOW бағдарламасы мен 2023 жылдан бері Парижде жүргізіліп келе жатқан 9 апталық The Aquarium инкубатор сынды бастамалар арқылы қолдауды жалғастырады. Сонымен қатар компания APAC аймағындағы құрылысшылар қауымына жергілікті қаржыландыру мен қолдау ұсынуға арналған жаңа өңірлік құрылым – XRP Asia жобасын әзірлеп жатыр.
Оған қоса, Университеттік сандық активтер акселераторы (UDAX) 2025 жылдың күзінде UC Berkeley-де алғашқы бағдарламасын бастаған еді, енді 2026 жылы Fundação Getulio Vargas (Сан-Паулу), University of Oxford және қайтадан UC Berkeley-де жүзеге асады.
Институционалдық бағытта Ripple XRPL платформасында институционалдық деңгейдегі қаржылық қолданбалар әзірлейтін стартаптарға қолдау көрсететін FinTech Builder Program бағдарламасын іске қосады.
Блогта венчурлық қорлардың саны артып, командаларды тәлімгерлікпен қамтып, стартаптарға инвестиция салып, XRPL құрылысшыларын жаһандық капитал желілерімен байланыстырып отырғаны жайлы айтылды. Серіктес ұйымдар қатарында a100x Ventures, Superscrypt, Reforge, New Form Capital, Dragonfly, Pantera, Franklin Templeton және Tenity бар. Олардың белсенділігі XRPL платформасына институционалдық сенім артуын аңғартады.
Ұлғайып келе жатқан экожүйеге қолжетімділікті қамтамасыз ету үшін Ripple толықтай XRPL-ға арналған жаңа қаржыландыру орталығы жақын арада іске қосылатынын жариялады. Бұл орталық құрылысшылар үшін экожүйе аясында грант, акселератор және қолдау бағдарламаларын бір жерден табуға жағдай жасайды.
2026 жылы Ripple кеңейсе де, XRP бағасы төмендеп жатыр
Жаңартылған бастамалар XRP нарықтағы жағдайымен сәйкес келіп отыр. BeInCrypto Markets дерегіне сүйенсек, альткоин соңғы тәулікте 2,24%-ға арзандаған. Мақала жазу сәтінде XRP бағасы 1,41 долларға саудаланып жатыр.
Қысқа мерзімде қаржыландыру механизмі XRP бағасына әсер ете қоймайды, себебі нарықтағы жағдайға көбіне өтімділік, макро үрдістер және реттеу саласындағы өзгерістер ықпал етеді, ал экожүйе құрылымындағы қайта құрулар ондай роль атқармайды.
Орта және ұзақ мерзімді кезеңде нәтиже жүзеге асыру сапасына байланысты болмақ. Егер FinTech Builder Program, XAO DAO және венчурлық капитал қатысуы он-чейн белсенділікті, институционалдық тәжірибелерді және нақты қаржылық өнімдерді арттырса, көңіл-күй де оң бағытта өзгеруі ықтимал.
YouTube-каналымызға жазылыңыз — жетекші сарапшылар мен журналистердің пікірлерін тікелей тамашалаңыз
Тұрақты түрде пайдалану, транзакция көлемінің өсуі мен тереңірек интеграцияға қол жеткізілмейінше, XRP құны құрылымдық өзгеріске түсе қоймас. Ақырында, ұзақ мерзімді құнды осы өзгеріс пен қаржыландыру тақырыбы емес, нақты пайдалану көрсеткіштері айқындайды.
