2026 жылы Tron (TRX) Tether (USDT) жетекші стейблкоины үшін негізгі инфрақұрылымдық желі ретіндегі позициясын нығайта берді. TRON желісіндегі USDT-ның нарықтық капитализациясы 85,3 млрд доллардан асып, тарихи ең жоғары деңгейге жетті.
Сол уақытта агенттік төлем жүйелеріндегі жаңа жетістіктер TRX-қа деген сұранысты одан әрі ұлғайтуы ықтимал.
Аптасына 160 млрд доллар стейблкоин аударымы TRX сұранысын арттырып отыр
Жақында Tether TRON желісінде қосымша 1 млрд USDT шығарды. Осылайша TRON желісіндегі айналымдағы USDT көлемі 85,3 млрд долларға жетіп, Ethereum-ды басып озды. Бұл жетістік TRON-ның стейблкоин секторындағы көшбасшылығын одан әрі нығайтты.
TRON желісіндегі барлық стейблкоиндердің жалпы нарықтық капитализациясы қазір 86,6 млрд доллардан асты, бұл — бүкіл тарихтағы ең үлкен көрсеткіш.
Artemis Analytics деректері бойынша, стейблкоин трансфер көлемі мен TRX бағасы арасында анық корреляция бар.
Соңғы үш жылда апталық стейблкоин трансфер көлемі айтарлықтай өсті. Ол 80 млрд доллардан төмен межеден 160 млрд долларға (апта сайын) дейін жетті. Бұл — 100%-ға өсім.
TRX бағасы да стейблкоин көлемі күрт артқан кезеңде өсті. Бұл өсім 2024 жылдың соңынан 2025–2026 жылдарға дейін әсіресе айқын байқалды. Осы аралықта TRON желісі жыл сайын USDT-де трлн долларлар көлемінде трансферлер өңдеді. Тек 2025 жылдың өзінде желі 7,9 трлн доллар көлеміндегі стейблкоин транзакциясын жүргізді.
TRON Ethereum-дағыдай газ моделін қолданбайды. Керісінше, желі Бэндвид және Энергия (Bandwidth and Energy) көрсеткіштері негізінде ресурстарды өлшеп, үлестіреді.
Қолданушыларға қосымша Бэндвид пен Энергия алу үшін TRX-ты күйдіру керек. Бұл ресурстар желідегі транзакцияларды, соның ішінде стейблкоин трансферлерін орындауға қажет.
Сәйкесінше, стейблкоин транзакцияларына сұраныс TRX-қа сұранысты тікелей қалыптастырады. DefiLlama деректері бойынша, TRON-ның табысы — транзакция комиссиясына күйген TRX көлемі бойынша есептегенде — 24 сағаттық, 7 күндік және 30 күндік мерзімдерде нарықта көш бастап тұр. Ол Ethereum, Solana, BNB Chain және Base сияқты бәсекелестерден айтарлықтай алда.
Сонымен қатар, жуырда TRON DAO Agentic AI Foundation-ға (Linux Foundation жобасы) Gold мүшесі әрі басқарма өкілі ретінде қосылғанын жариялады. Ұйым автономды ЖИ жүйелеріне, яғни агенттік ЖИ-ға ашық инфрақұрылым құруға басымдық береді.
«ЖИ-ға нақты уақыттағы есеп айырысу қажет. Көлемі бойынша стейблкоиндар TRON желісінде қозғалады», — деп мәлімдеді TRON негізін қалаушысы Джастин Сан.
TRON желісіндегі ауқымды стейблкоин өтімділігі мен дамып келе жатқан ЖИ инфрақұрылымы жаңа қолданбалар ағытын ашады. Бұл үрдіс желідегі сұраныстың артуына және TRX құнының өсуіне ықпал ете алады.
Наурызда тағы бір маңызды оқиға болды. АҚШ-тың Құнды қағаздар және биржа комиссиясы TRON Foundation мен Джастин Санға қарсы қозғаған сот ісі ресми түрде аяқталды. Судья түпкілікті шешімді бекітіп, барлық айыптауларды толығымен алып тастады.
Шешім нәтижесінде 2023 жылдан бері сақталып келген құқықтық белгісіздік түбегейлі жойылды. Бұл инвесторлардың сенімін қалыпқа келтіруге және TRX-қа жаңа капиталдың келуіне әсер етуі ықтимал.
Осындай оң факторларға қарамастан, инвесторлар альткоиндарды ұстап отыруға әлі де сақтықпен қарайды. BeInCrypto-ның деректері бойынша, TRX бағасы былтырғы тамыздан бері шамамен 20%-ға төмендеді. Қазір ол 0,29 доллар шамасында саудаланып жатыр.
Дегенмен, стейблкоин белсенділігінің өсуі, ЖИ инфрақұрылымындағы ілгерілеу және құқықтық тәуекелдердің жойылуы сатылым қысымын азайтуы ықтимал. Сонымен бірге, бұл факторлар TRX бағасының қалпына келуін де қолдай алады.
