«US Oil» (USOR) деп өзін атайтын, көпшілікке белгісіз Solana токені дүйсенбі күні 24 сағатта 150%-дан артық қымбаттап, нарықтық капитализациясы қысқа уақыт ішінде 40 млн доллардан асып, АҚШ-тың Венесуэла мұнай блоктарын сатуы туралы жаңа жаңалықтарға байланысты трейдерлердің қызығушылығын тудырды.
Токен CoinGecko сайтында трендке айналды, алайда он-чейн сарапшылар мен трейдерлер бұл ралли әдеттегі алыпсатарлық памп белгілерін көрсеткенін ескертті.
Геосаясат саудаланатын мемге айналды
Қымбаттау геосаяси мұнай нарығына қызығушылық өскен сәтпен тұспа-тұс келді. Ақпараттарға сәйкес, бүгін Вашингтон тәркіленген Венесуэла мұнай активтерін сата бастады.
Ондай макро ахуал крипторынға да әсер етіп, трейдерлер ресми түрде ешбір мемлекеттік мұнай қорымен байланысы расталмағанымен, USOR-ға саяси нарратив қоса күрт байланыстыра бастады.
Раллидің шарықтауында USOR бағасы 0,04 доллардан жоғары саудаланып, тәуліктік сауда көлемі 20 млн долларға дейін жетті.
Бағада байқалған қозғалыс тік дерлік паттернде іске асып, бірнеше трейдерлер мұндай үлгінің аномалды болғанын атап көрсетті.
USOR саудасы негізінен Solana экожүйесінде, Meteora сияқты орталықтандырылмаған алаңдарда өтуде. График платформалары баға мен көлем күрт артқанда «күмәнді график» ескертуі көрсетті.
Жобаның сайты USOR-ды «он-чейн резерв индексі» деп таныстырып, АҚШ мұнай қорларын токенизациялайды деп, өзін мұнаймен қамтамасыз етілген, АҚШ-пен байланысты және қоғамдық ашықтықпен реттелетін деп сипаттайды.
Алайда, сайтта ешқандай сенімді сақтау дәлелі, құқықтық құрылым немесе ресми АҚШ мұнай инфрақұрылымымен байланыс көрсетілмеген.
Сондай-ақ, бұл токен инсайдерлік жобаның бір бөлігі деген пікірлер бар, себебі ол TRUMP мемкоины іске қосылған платформаның бірі – Meteora-да шығарылған.
Вирустық графиктер, әлсіз дәлелдер және өсіп келе жатқан ескерту белгілері
Сол уақытта, крипто Twitter-де пікірлер екіге жарылды.
Бірқатар крипто трейдерлер бұл нарратив шынайы жаңалықтарды пайдалану мақсатында қолдан жасалғанын айтып, біріккен жарнамалауды, әмияндардың бірігуін, табиғи жинақталудың болмағанын мысалға келтірді.
Басқалар бұл токен брендингі геосаяси оқиғаларға қатты ұқсайтынын, осылайша раг пул схемасын жүзеге асыру ықтималдығын ескертті.
Көп тараған бір жазбада USOR «Венесуэладан мұнай қоры бойынша он-чейн экспозиция» ретінде сипатталды, алайда америка билігі немесе энергетика агенттіктерінен еш растама жоқ.
Бірнеше сарапшылар уақыт, брендинг пен график құрылымы жаңалықтарға байланысты памп жасап, кейін құлаған алдыңғы саяси тақырыптағы мемкоиндерге ұқсағанын атап өтті.
Тәуелсіз бақылаушылар бөліскен он-чейн мәліметтері жеткізілімнің шағын әмияндар тобына шоғырланғанын көрсетті.
X желісінде тараған bubble map визуализациясы ірі иелердің көпшілігі өзара байланысқанын аңғартты, бұл кеш сатып алушылар үшін орталықтандырылған басқару мен шығу өтімділігі қауіпін туғызды.
Жалпы алғанда, USOR макроэкономикалық және саяси жаңалықтар крипто алыпсатарлыққа қаншалықты тез әсер ететінін тағы бір мәрте көрсетіп отыр.
АҚШ Венесуэла мұнай стратегиясын қайта қарастыру кезеңінде тұрғандықтан, крипто нарығының кей бөліктері нарративті қаржыландыруға асығуда, көбінесе дәлелсіз.
USOR қысқа ғұмырлы мем болуы не әлде ұзаққа созылатын актив болып қала ма, ол әлі анық емес. Анығы – трейдерлер тағы да оқиғаның соңынан қуа саудалап жатыр, ал ескерту дауыстары оқиғаның шындыққа сәйкес келмеуі ықтималдығы артып бара жатқанын айқын білдіреді.
