YouTube АҚШ-тағы контент жасаушыларға PayPal-дың PYUSD стейблкоинімен төлем алуға рұқсат берді. Бұл криптовалютаны жетекші бейне платформасында қолдануды дамытуға бағытталған маңызды қадам болып отыр.
Google-ға тиесілі платформа мен PayPal арасындағы әріптестік күнделікті транзакциялар үшін стейблкоин технологиясына институттардың сенімі артып келе жатқанын көрсетеді.
YouTube авторларға төлем жасауға PYUSD-ты қосты
АҚШ-тағы жасаушылар енді YouTube табысын алу үшін PayPal-дың доллармен қамтамасыз етілген PYUSD стейблкоинін таңдай алады. PayPal-дың крипто бизнесі бөлімінің жетекшісі May Zabaneh бұл опция америкалық пайдаланушылар үшін іске қосылғанын Fortune-ға растады. Сонымен қатар, Google-дың ресми өкілі де осы жаңалықты растады.
Бұл функция PayPal-дың 2025 жылдың үшінші тоқсанындағы платформасын жаңартудан бастау алды, соның арқасында алушылар PYUSD-да төлем қабылдай алатын болды. Осыдан кейін YouTube бұл мүмкіндікті өз жүйесіне енгізді.
Жаңалықты қауымдастық оң қабылдап, оны жақсы өзгеріс деп бағалады. Олар транзакциялар енді жеңілірек әрі жылдамырақ өтетінін атап өтті.
«YouTube-тағы стейблкоин арқылы төлемдер ерекше. Бұл жасаушылар экономикасын анағұрлым жаhандық әрі ыңғайлы қылады, әсіресе дәстүрлі банкингтен тыс адамдар үшін. Үлкен өзгеріс», – деп пікір білдірді бір пайдаланушы.
YouTube интеграциясы PYUSD-қа институттардың қызығушылығы мен қолдануы күшейген кезеңде іске қосылды. Кеше State Street Investment Management пен Galaxy Asset Management 2026 жылдың басында State Street Galaxy Onchain Liquidity Sweep Fund (SWEEP) ашуды жоспарлағанын хабарлады.
Қор үздіксіз жазылымдар мен өтеулер үшін PYUSD-ты есеп айырысу валютасы ретінде қолданады, бұл реттелетін қаржы өнімдерінде стейблкоиндарды пайдалану жолындағы маңызды қадам саналуда.
Стейблкоинді қолдану күрт өсіп, PYUSD нарықтық капитализациясы жаңа жоғары деңгейге жетті
Кеңірек алып қарайтын болсақ, стейблкоин нарығы соңғы бірнеше жылда айтарлықтай өсті. Халықаралық валюта қорының (IMF) дерегі бойынша, 2025 жылы USDT пен USDC қатысатын трансшекаралық ағындар шамамен 170 млрд долларды құрады.
Осы аяда PYUSD-та да өсу қарқыны айқын. Оның нарықтық капитализациясы қаңтардың басындағы 500 млн доллардан желтоқсандағы тарихи 3,9 млрд долларға жетті.
DeFiLlama деректеріне сай, қазіргі уақытта Ethereum PYUSD-тың ең үлкен бөлігін құрайды: айналымда 2,79 млрд доллар бар және ол соңғы айда 36,6%-ға өсті.
Одан кейін Solana келеді: мұнда 1,046 млрд доллар бар, бір айда 4,3%-ға ұлғайған. Flow, Berachain, Plume және Cardano блокчейндерінде PYUSD көлемі аздау, бұл PayPal-дың стейблкоин үшін әзірлеген көпчейндік стратегиясын көрсетеді.
YouTube-тың PYUSD-ты енгізуі, нарықтық капитализацияның өсуі және институттардың қолдауы біріге отырып, PYUSD цифрлық қаржы саласындағы позициясын нығайтып келе жатқанын көрсетеді. Осы үрдістер стейблкоиндардың криптонарық ішіндегі шектеулі қызығушылықтан шығып, ірі брендтер мен сенімді институттар қолдайтын әмбебап қаржы құралдарына айналып жатқанын аңғартады.
