Крипто нарығындағы ұзаққа созылған құлдырау бүкіл индустрияда қорқынышты үдетті, активтер бағасының төмендеуі портфель құнын азайтып, инвесторлар көңіл-күйін әлсіретті.
Осындай белгісіздік аясында Arkham нарық қатысушыларына ағымдағы аю нарығында бағдар тауып, табыс табуға көмектесе алатын алты стратегиялық ұстанымды анықтады.
Аю нарығында әрекет етуге арналған 6 негізгі стратегия
Arkham түсіндіргендей, аю нарығы – бұл активтердің бағасы соңғы жоғары деңгейден 20%-ға немесе одан көпке төмендейтін және ұзақ уақыт бойы құлдырау үрдісі сақталатын кезең. Дәстүрлі нарықтарда мұндай құлдырау бірнеше аптадан бірнеше жылға дейін созылуы ықтимал.
Айта кету керек, крипто нарығында құлдырау әлдеқайда ауыр өтеді, өйткені құбылмалылық өте жоғары. Компания мәлімдегендей, активтердің бағасы ауыр аю циклдарында тарихи максимумнан 70%-дан 90%-ға дейін төмендеуі сирек құбылыс емес.
«Аю нарығында төменгі шыңдар мен төменгі түптер баға қозғалысына үстемдік етіп, көптеген таймфреймдерде анық төмендейтін тренд қалыптастырады… Сауда көлемдері аю нарықтарында жиі төмендейді, себебі қатысушылар позицияларын жауып немесе әрі қарай шығын болдырмас үшін күту режиміне өтеді. Бұл өтімділіктің азаюы бағаның тербелісін одан әрі үдетіп, құбылмалылықты өсіреді», – деп жазылған есепте.
Arkham тәртіпті тәуекел менеджменті мен сәйкес тәсілдерді қолданатын қатысушылар аю нарығында мағыналы сауда мүмкіндіктерін таба алатынын мәлімдеді. Есепте трейдерлерге экспозицияны басқаруға және аю көңіл-күйі кезінде дұрыс іске асырғанда пайда табуға мүмкіндік беретін бірнеше ұстаным көрсетілген.
1. Шорт сату
Arkham-ға сәйкес, бағаның құлдырауынан пайда табудың ең қарапайым жолдарының бірі – шорт-сату. Яғни, цифрлық активті қарызға алып, оны нарықтық бағада сатып, кейіннен арзандаған кезде қайта сатып алып, иесіне қайтару. Баға айырмасы – пайда ретінде қалады.
Алайда, Arkham шорт-сату аса үлкен тәуекелмен байланысты деп ескертті. Себебі актив бағасының шексіз өсу ықтималдығы бар, сондықтан ықтимал шығын шектелмейді.
«Сондықтан трейдерлер дұрыс позиция көлемін сақтап, шығындарды тежеу үшін стоп-лосс ордерін қолданғаны жөн», – деді компания.
2. Опциондар және инверсті өнімдер
Төмендеу тәуекелін көбірек бақылағысы келетін трейдерлер үшін Arkham пут-опциондар мен инверсиялық өнімдер сынды құралдарға назар аударды.
«Бұл өнімдердің екеуі де баға төмендегенде өседі, бірақ әртүрлі механизмдер арқылы. Шорт-сатудан айырмашылығы, мұндай өнімдерде шығын лимиттеледі, яғни инвестор осы өнімдерге салған капиталынан ғана айырылады», – деп хабарлады Arkham.
Мысалы үшін: пут-опцион сатып алушыға активті белгіленген страйк бағасына дейін немесе оны қоса алғандағы кез-келген уақытта сату құқығын береді, бірақ міндет жүктемейді. Егер актив бағасы страйк деңгейімен салыстырғанда төмендесе, пут-опцион құны әдетте өседі. Ең басты артықшылығы – трейдердің шығыны келісімшарт үшін төленген сыйақы мөлшерінен аспайды.
Инверсиялық өнімдер базалық активтің өнімділігіне қарама-қарсы қозғалу үшін жасалған. Актив құлдыраса, инверсиялық өнім құны өседі. Мұндай өнімдерде активтің күнделікті кері қайтарымын қадағалайтын инверсиялық ETF-тер жиі кездеседі, бұл дәстүрлі шорт-позиция ашпай-ақ төмендеу тәуекелін алуға мүмкіндік береді.
3. Диапазонда саудалау
Arkham аю нарығының құбылмалылығы азайған кезеңдерінде диапазондық сауданы ықтимал стратегия ретінде ерекше атап өтті. Бағалар белгілі бір қолдау және қарсылық деңгейлерінде ауытқыса, трейдерлер баға төменгі шекке жақындағанда сатып алып, жоғарғы шекке таяса сатуды көздей алады.
Компания мұндай тәсіл агрессивті сатылымдарда емес, бүйірлік қозғалыс басым болған кезде тиімдірек, өйткені күшті төмендеулер техникалық диапазондарды тез арада бұзып жіберуі мүмкін екенін айтты.
4. Жинақтау
Белсенді саудадан тыс, Arkham сондай-ақ іріктеп жинақтау маңыздылығына тоқталды. Есепте жинақтау стратегиясы тез пайда іздеуден гөрі, сапалы активтерді төмен бағамен жинауға бағытталуы керек екені атап көрсетілді.
«Тез пайдаға ұмтылудан гөрі, бұл ұстаным трейдерді келесі бұқа циклінде мықты қалыпқа қойып, шыдамдылық танытқан инвесторларға аю нарығында тәртіпті жинақтау тарихи тұрғыдан едәуір кіріс әкелді, бірақ кірісті келесі бұқа раллиінде алу үшін дұрыс актив таңдау маңызды», – деп қосты компания.
5. Стейблкоин кірістілігі
Қорғанысы жоғары қатысушылар үшін Arkham стейблкоин кіріс стратегиялары қолайлы нарық жағдайын күткен кезде табыс табуға көмектеседі деп атап өтті. Есепке сәйкес,
«Стейблкоин табысы аю нарығында төмендеу бейім, бірақ тапқан кіріс арқылы капиталды сақтай отырып, стейблкоинда сақтау әрі қарай құлдыраудан қорғайды және болашақ мүмкіндіктерге арналған қаражатты біртіндеп көбейтеді.»
6. Скальпинг және күндізгі трейдинг
Arkham аю нарығында скальпинг және күндізгі сауда да көп мүмкіндіктер беретінін атап өтті. Бұл стратегиялар ұзақ мерзімді трендтің өзгеруін күтпестен, қысқа мерзімдегі баға қозғалысын пайдалануға бағытталған.
Айнымалы құлдырауларда, күні ішінде байқалатын жедел ауытқулар, өтімділік тапшылығы әрі дүрбелеңмен сатылым жаңа кіру-шығу нүктелерін жиі туындатады.
«Аю нарықтарында белгілі бір сауда сессияларында жүйелі үлгілер жиі байқалады, бұл шебер қысқа мерзімді трейдерлерге шағын пайданы бірнеше рет алуға мүмкіндік береді», – деп атап өтті Arkham.
Скальперлер, әдетте, бірнеше минут ішінде шағын баға сәйкессіздіктерін нысанаға алады. Ал күндізгі трейдерлер интрадейлік кеңірек импульстік өзгерістерден пайда табуға ұмтылады.
Соңында, Arkham аюлы кезеңде сауданың айтарлықтай тәуекелдері бар екенін атап өтті. Өтімділіктің төмендеуі спредтер мен сырғыма үлесінің ұлғаюына себеп болуы ықтимал.
Сонымен қатар, жоғалтулардың өсуі эмоциялық қысымды арттырып, трейдерлердің өз жоспарларынан бас тартып, тәртіпсіздікке бой алдыру ықтималдығын жоғарылатады.
