Ripple 2026 жылы 1 мамыр күні өз эскроу келісімшарттарынан 1 млрд XRP шығарды, қазіргі бағада оның құны 1,38 млрд долларды құрайды.
Ал осы арада Ripple-дың бас технологиялық директоры қызметінен кеткен Дэвид Шварц X әлеуметтік желісінде токен бағасын өсіру үшін жасырын механизмдер бар деген бұрыннан келе жатқан аңыздарға қарсы пікірін жариялады.
Ripple ай сайынғы эскроудан 1 млрд XRP шығару рәсімін атқарды
Ай сайынғы шығару — бұл Ripple 2017 жылғы желтоқсаннан бастап эскроу аккаунттарынан 1 млрд XRP шығаруды жалғастырып келе жатқан автоматтандырылған механизм. Жүйенің мақсаты – жалпы ұсынысқа айқындық беру һәм баға тұрақтылығына әсер етуі мүмкін жаппай сату толқындарының алдын алу.
Whale Alert мәліметінше, 1 мамырдағы операция төрт ірі транзакциядан тұрды. Атап айтқанда, 200 млн, 300 млн, 100 млн және 400 млн XRP-ге қатысты қозғалыстар орын алды, олардың барлығы АҚШ компаниясына тиесілі адрестерден тексерілген.
X-та бізге жазылыңыз – соңғы жаңалықтар жедел түрде жарияланады
Тарихи тұрғыдан Ripple осы қаражаттардың 70%-дан 80%-ға дейінгі бөлігін жаңа эскроу келісімшарттарына қайта салады. Демек,
әдетте таза шығарылым ай сайынғы циклде нарыққа 200-ден 300 млн-ға дейін XRP енгізуінен тұрады. Бұл механизм үш функцияны қатар орындайды.
- Бір жағынан, кенеттен сатылымдардың орын алуын болдырмайды, сол арқылы инвесторлар арасында үрейдің туындауына жол бермейді.
- Екінші жағынан, серіктестік, институционалдық операциялар мен экожүйені дамытуға қажетті басқарылатын өтімділікті қамтамасыз етеді.
- Үшіншіден, нарық алдын ала болжай алатын тұрақты уақыт кестесі беріледі.
Бағаға әсері көбіне қайта құлыптау тәжірибесі арқасында бәсеңдейді. Трейдерлер мұндай шығарылымдарды техникалық анализ кезінде алдын ала есепке алады, сол себепті айналымдағы токен саны уақытша өсіп кетсе де, бұл күшті аю трендін туғызбайды.
«Тағы бір ай, тағы бір ірі ашылым, бірақ баға міз бақпай, бәрі сол күйі қала береді», – деп жазды X-та энтузиаст Стеффан.
Дэвид Шварц XRP бағасына қатысты маңызды оймен бөлісті
Ripple-дың CTO лауазымын атқарған және XRP Ledger-дің бас сәулетшісі болған Дэвид Шварц токен бағасын қолдан өсіретін ешқандай жасырын құрал мүлде жоқ екенін көпшілікке айтты.
«Мүмкін, бір кездері Ripple-дың XRP бағасын мәңгілікке оңай өсіре алатын әдісі бар деп ойлауға жартылай негіз болған шығар, бірақ компания тек белгілі бір сәтті күтіп жүр деп болжағандар да бар еді.[…] Қазіргі жағдай соншалықты өзгерген, бізде сондай сиқырлы тетік болса, оны осынша уақыт сақтап келдік деу ақылға сиымсыз. Ол әлі күнге дейін қосылмаған[…],» – деп жазды Шварц.
Жылдар бойғы реттеушілік тексеру, операциялық ашықтық пен экожүйенің дамуы нәтижесінде мұндай нарратив мүлде қисынсыз күйге жетті. Шварц Ripple стратегиясын, негіздемесін және түпкі мақсаттарын әрдайым ашық түрде түсіндіріп келе жатқанын атап өтті.
Ол пікірлер Ripple Prime және Treasury сынды өнімдерге қатысты қауымдастық тарапынан жиі қойылатын сұрақтарға тікелей жауап береді. Шварц осы қызметтер саналы түрде ірі көлемдегі XRP транзакцияларын жасап, бағаны жасанды түрде шектен тыс өсіруге бағытталған деген түсінікті жоққа шығарды.
«Егер бірнеше өте бай әрі өте парасатты адамдар шынымен он жыл ішінде XRP бағасы 10 000 долларға жетеді деп сенсе, осы күні-ақ оның бағасына кемі 20 доллар қойылуы тиіс еді. Олар неге бұлай жасамайды? Қастандық па?» – деп Ripple экс-CTO тағы бір жазбасында атап өтті.
Шварц бұған дейін де гардерде сақтаулы тұрған қалған 33 млрд XRP-ді өртеп жіберу туралы жиі қайталанатын ұсынысқа тоқталып өткен еді. 2019 жылы Stellar үлгісінде 55 млрд-тан астам токен өртелгенімен, бағаға ешқандай ұзақ мерзімді әсер етпегенін мысалға келтіріп, Шварц мұндай шараны нақты пайдасы жоқ қаражат ысырапшылдығы деп сипаттады.
Оның соңғы пікірі айқын әрі бұған дейінгі ұстанымдарына сәйкес болды. XRP болашағы кросс-шекаралық төлемдерде, орталықтандырылмаған қаржы мен нақты өмірдегі қолданысқа практикалық түрде енуіне байланысты, ал жылдам әрі қысқа мерзімде табыс алып келетін жасанды баға манипуляцияларына емес.
Осы мақалаға немесе басқа да тақырыптарға қатысты бөлісеріңіз бар ма? Бізге жазыңыз немесе BeInCrypto-ның Telegram арнасында және ақпараттық хаттарымызда талқылауға қосылыңыз. Сондай-ақ бізді Facebook, Twitter және YouTube желілерінен де таба аласыз.
