Solana Foundation ЖИ-ды өз блокчейн желісімен біріктіруге бағытталған жаңа әзірлеушілер жиынтығын іске қосты.
Өткен аптада Швейцарияда орналасқан қор «Agent Skills» деп аталатын құралын таныстырып, ЖИ бағдарламаларына он-чейн транзакцияларды өздігінен орындауға мүмкіндік берді.
ЖИ агенттер төлемдері нарығы әлі де шағын
Aшық бастапқы кодты жиынтық әзірлеушілерге алдын-ала жасалған модульдерді бір жолдық код арқылы орнатуға жағдай жасайды. Осылайша, ЖИ агенттері Solana желісі бойынша автоматтандырылған тапсырмаларды орындап, төлемдерді өңдеп, активтермен сауда жасай алады.
Қор қауіпсіздік пен үйлесімділік үшін ресми модульдер ұсынып, сол сияқты Jupiter Exchange, Raydium және Helius сияқты ірі Solana экожүйесінің платформаларымен дайындалған қауымдастық енгізген 60-тан астам скиллді қосты.
Сонымен бірге, қор қауымдастық ұсынған құралдар ресми мақұлданбағанын ескертті. Қолданушылар автономды ЖИ агенттерін тексерілмеген орталықтандырылмаған қаржы (DeFi) протоколдарымен біріктіруде қауіпсіздік қауіптерін назарға алуы тиіс, әрі жиынтыққа енгізілуі кепілдік білдірмейді.
Запуск криптовалют индустриясының «агенттік төлемдер» деп аталатын жаңа нарықты иемденуге ұмтылысын айқындайды. Бұл транзакциялар адам араласуынсыз ЖИ арқылы басталып, толықтай орындалады.
Өткен жылы McKinsey & Co. консалтингтік компаниясы айтып өтті; көбірек компаниялар ЖИ негізіндегі жаңа жұмыс ортасына бейімделуі қажет болады. Компания дерегінше, осылайша 2030 жылға дейін бөлшек сауда, логистика және коммерция платформаларын қамти отырып, 5 трлн долларлық нарық қалыптасуы ықтимал.
ЖИ интеграциясына арнайы бейімделген блокчейн инфрақұрылымы жедел дамып жатса да, қазіргі уақытта нарықтағы сұраныс өте төмен болып қалып отыр, осы арқылы технологиялық әлеует пен шынайы қолдану арасында үлкен алшақтық бары көрінеді.
Мысалы, x402, қолданыстағы агенттік төлемдер протоколы, соңғы 30 күнде шамамен 24 млн долларлық ғана айналымды өңдеді.
Сонымен қатар, Artemis блокчейн-аналитика компаниясы “x402 «агент төлемдері» серпіні әлі де негізінен елес іспетті екенін” атап өтті. Желтоқсанда тәулігіне 731 000 транзакциядан аса белсенділік байқалса, ақпанға қарай ол шамамен 57 000 транзакцияға азайғанын көрсетті.
Бұл ақпарат Solana секілді желілер ЖИ негізіндегі экономиканың негізін қалап жатса да, оның тұрақты болуы үшін қажет саудагерлер мен қолданушылар әлі келмегенін көрсетеді.
