Келесі жеті күн ішінде айналымға 650 млн доллардан астам сомаға токендер кіреді. Sui (SUI), Sign (SIGN) және Jupiter (JUP) сияқты ірі жобалар маңызды көлемде жаңа токен ұсынысын жүзеге асырады.
Ашылатын токендер нарықта құбылмалылық тудыруы әрі қысқа мерзімді бағалық қозғалыстарға әсер етуі ықтимал. Сондықтан, назар аудару керек негізгі жайттар төмендегідей.
1. Sui (SUI)
- Ашылатын күні: 1 мамыр
- Ашылатын токен саны: 42,62 млн SUI
- Айналымдағы ұсыныс: 3,96 млрд SUI
- Жалпы ұсыныс: 10 млрд SUI
Sui – жоғары өнімділікке ие, 1-қабат блокчейні. Ол қауіпсіз, ауқымды әрі тиімді орталықтандырылмаған қосымшалар (dApps) құруға мүмкіндік беретін Move бағдарламалау тілін қолданады.
Сонымен қатар, желінің басты бағыты – параллель түрде орындалуы, сол себепті ол гейминг, орталықтандырылмаған қаржы (DeFi) және Web3 экожүйелері үшін қолайлы.
1 мамырда Sui өзінің айлық кестесі аясында 42,62 млн альткоин ашады. Бұл пакет айналымдағы ұсыныстың 1,08%-ын құрайды. Оның жалпы құны шамамен 40,39 млн долларға тең.
Ашылған ұсыныстың ішінде 19,32 млн SUI Series B инвесторларына бөлінеді. Қоғамдық қордағылар мен ерте үлес қосушылар тиісінше 12,63 млн және 8,60 млн SUI иеленеді. Соңында Mysten Labs 2,07 млн альткоин алады.
2. Jupiter (JUP)
- Ашылатын күні: 28 сәуір
- Ашылатын токен саны: 53,47 млн JUP
- Айналымдағы ұсыныс: 3,63 млрд JUP
- Жалпы ұсыныс: 7 млрд JUP
Jupiter – Solana блокчейніндегі орталықтандырылмаған өтімділік агрегаторы. Ол бірнеше орталықтандырылмаған биржалардағы сауда жолдарын оңтайландырып, пайдаланушыларға ең тиімді бағамен токен алмасуына және төмен слиппеджге қол жеткізуге көмектеседі.
28 сәуірде Jupiter 53,47 млн JUP токенін ашады, оның нарықтық құны шамамен 9,77 млн долларға тең әрі айналымдағы ұсыныстың 1,53%-ын құрайды. Ашылым ай сайынғы cliff vesting кестесі бойынша жүзеге асады.
Jupiter токендеріне негізінен команда иелік етеді (38,89 млн JUP). Сонымен бірге Mercurial мүдделі тараптары 14,58 млн JUP альткоин алады.
3. Sign (SIGN)
- Ашылатын күні: 28 сәуір
- Ашылатын токен саны: 401,1 млн SIGN
- Айналымдағы ұсыныс: 1,93 млрд SIGN
- Жалпы ұсыныс: 10 млрд SIGN
Sign – омни-чейн аттестациялау протоколы. Ол пайдаланушылар мен компанияларға мәлімдемелердің немесе бекітулердің қауіпсіз әрі расталатын дәлелдемелерін жасауға мүмкіндік береді.
28 сәуірде команда 401,1 млн SIGN ашады, олардың құны 7,05 млн долларға тең. Бұл токендер айналымдағы ұсыныстың 20,78%-ын құрайды.
Команда 150 млн альткоинді қоғам ынталандыруларына бағыттайды, 45 млн токен экожүйеге бөлінеді. Қор 95 млн SIGN алады. Сонымен бірге инвесторлар мен ерте қосылған команда мүшелері үшін 83,33 млн және 27,78 млн токен қарастырылған.
Осы үшеуінен бөлек, Optimism (OP), Treehouse (TREE) және Zora (ZORA) жобаларында да нарыққа жаңа ұсыныстар кіреді.
